Penyiru enggau budi basa anak Iban

NGIKAT, NGEBAT, GAWA ENGGAU NGAYAU

Lebuh anak indu manggai ba umur tujuhbelas taun dia iya diajar ini enggau indai iya megai ubung. Iya diajar sida ngikat ngebat kain ka mit agi nama laban nya mudah agi digaga.

Nyadi anak lelaki ba maya nya umur belabuh bisi ati deka ngiga penemu an ninga ka randau orang ti tuai agi. Iya nyau deka belajar ka tuku burung enggau mimpi kena orang ngangkatka nama diri, enggau burung bukai kena orang ngayau enggau pegi ka menua bukai.

Udah anak lelaki bisi penemu ulih iya an berandau enggau orang ke tuai, nya baru iya meransang ati diri deka pegi enggau deka enggau orang ngayau. Iya nynu deka didinga orang bulib reta pulai pegi enggau pala nub at-i berani lebuh ngayau. Kebuah alai anak Ieuaki Iban kalia bengat bcguna aniat ka tajau, bedil.

setawak enggau reta bukai, laban rambau nya duit nadai, lalu orang enti bisi kena salah kena ukum perintah, nama nadai najau tauka perengka temaga kena betimbang, sida kena tutup (jil). Dulu agi ari tu lebuh bansa Iban agi kena pegai tuai bansa diri empu enti orang ka bepenyalah nadai utai kena betimbang, iya ke salah nya diambi orang jadi ulun. Pia mega begunaka pala, lebuh agi mayuh munsuh kalia enggau lebuh anak lelaki agi dikarap ka ngena pemerani nyaga menua diri an langgar munsuh, enti lelaki enda berani indu ke belambar belinsar enda tentu deka belaki sida.

Nambah ka pengawa dua bengkah nya anak lelaki ba maya nya umur mega nyau deka basemekih enggau diri ke sama serebak pengelandik ba beban perau, landik ngukir, landik ngaga nyimpai enggai landik ngaga semua leman utai kena idup, baka landik ngambuh, landik ngarut, bebingkai, enggau deka mega nyulut bulih ari pangan diri jelu ulih ngasu beburu, ikan ulih nginti enggau nyala.

Ba maya tu umur mega anak lelaki nyau bebendar agi deka belajar betusut enggai ka enda nemu ripih orang lalu bejaku lejah-lejah, sida belajar ka adat umai, adat rumah enggau macam- macam adat kena diau di menua, dataika sida enggai enda nemu pejalai bintang kena bumai betaun.

 

BASA RAMA

BASA ENGGAU PENYIRU

ENDANG KENYAU ari biak,  lelaki tauka indu diajar apai indai enggau aki mi sida bebasa ka or biak, lebih agi bebasa ka diri serumah enggau jaku tauka ngena ulah ti manah. Orang ti megai basa tu, nya orang ti bulih puji ke dikumbai nemu adat, laban sida megai penyimat basa tuai. Tang orang ti jegak, ke nadai basa, enda mana)h ulah enggau lejah-lejah bejaku, sida nya deka kena bantah lalu enda dikerindu ka orang mayuh. Nyadi basa enda salah baka gari. Manah pen langkar tubuh mensia, enti iya enda diumba enggau pasok gari, enda ga gamal orang nya manah dipeda. Pia mega mensia, manah kaya tauka besai pen pangkat iya diau dimenua, enti iya nadai basa, iya deka jadi baruh ba ati orang Ii ngemata enggau bayam ulah iya. Nya alai laban tuai dulu menya megai runding tu, nya kebuah sida balat bendar mekal anak ucu sida enggau ajar ti cukup, awakka sida bebasa ka orang enggau bebasa ka diri empu mega. Laban enti iya enda masa orang, iya anang nganti orang bukai deka masa iya ti nadai basa.

 

BASA PENDIAU BUJANG ENGGAU DARA

NITIHKA ADAT asal iban, enda manah bendar anak bujang pemilik (ka diau di bilik), besangkayau di bilik tauka tinduk di bilik sekalika di sadau. Kebuah iya pia, laban anak bujang tu jadi ka pungka laki rumah panjai. Iya diadang nyaga indu anembiak ari langgar munsuh, penyamun, pencuri  tauka nyaga rumah ari penusah bukai. Nyadi enti anak bujang tauka lelaki bukai kelalu pemilik enda enggau patut agi, sida deka kena bantah lalu dikejakuka orang mayuh. Bujang ka pemilik, enti iya bebini enda patut dipinta derian besai, lalu bakanya mega enti iya mati, iya enda tau diambi besai tebalu, kenu ku jaku tuai, tau disuaka ari mua penyenguk. Pia mega anak dara enda ngena iya duduk nadai pengawa dikereja ba pantar, laban pantar tu alai ‘balai anak bujang. Semua anak dara ka ngereja pengawa tu dikumbai orang ngandak bujang tauka dikumbai orang bagau diau, ti deka dikejakuka orang ba pengawa nya. Endur anak dara diau enggau begelumu endang di bilik.

 

PENYIRU ANAK LELAKI

Belabuh ari anak lelaki angkat bujang, apai enggau aki iya, ngajar iya sit-u diau, reti nya jimat ceremat ngereja pengawa enggau ngintu utai baik ka pesaka di tanah tauka reta di rumah. Ba maya manggul iya diajar apai tauka aki iya siru ng pelasar manah ka, awakka nyamai endur ngansah. Udah ten ari ngundang panggul, dunju langkau penebas asuh gaga manahka, awakka nyamai alai ngereja pengawa.

Udah tembu nebang semua ujung kayu enda tau enda didirika enggau manah, awakka deka angus diempa api lebuh nunu.

Nyadi ba maya nugal tugung kebak enda tau enda digaga manah ka, awakka deka angus silik empa api. Udah ditunu, semua papung kayu ke enda abis empa api, ditunu baru enggai ka jadi ka sarang tikus, enti padi nyau bauh.

Nyadi ba maya belangkau, langkau umai patut digaga teguh, awakka nyamai alai mai bini anak bemalam di umai.

Udah tembu nugal, nya baru iya diasuh beguai magar umai enggaika babi enggau rusa rembus makai umai. Lebuh behagakaka pagar, iya diajar enda diasuh ngirit kayu tauka randau sebelah tisau umai, enggaika nguluka kera ngaga penyalah  ba umai  sida. Sida mega diajar enda tau makai utai bejalai tauka bediri ba umai sekalika ngeruyakka utai. Pemali tu, mali nguluka kera magang ngaga penyai nunda iya ba umai nya.

Nyadi kejang deka ngetau lelaki siru bendar diasuh ngaga pelangka enggau bebingkaika sintung, tauka ngambuh enggau ngiga temeran ka tali ma kena ngetau enggau berangangkut udah badu ngetau enggau ngindik tauka nungku padi. Udah mansau padi, iya lalu disimpan dalam kulit kayu. Nyadi apin padi tama kulit kayu tauka tibang, tisi nya diminyak enggau dipiring ka, udah nya dibiau enggau manuk. Manuk ka kena miau iya lalu disayat awakka darah iya kena genselan piring. Bulu iya selit ka ba bingkai tibang. Pia mega enggau menyan sama ditunu kena nepuk ubat padi baka tanduk rusa enggau taring babi sakumbang ka besimpan tu.

Nyadi pasal ba ngintu buah tanah anak lelaki diajar apai enggau aki ngingat ka bagi buah sida sebilik enggau lalu mensiang buah sida. Nambahka nya apai seduai aki iya lalu ngajar iya anang enggai nanam buah enggaika  dudi ari anak ucu ngining buah orang bukai. Ari ajar tu, nya kebuah bansa Iban deka bendar betanam buah, lalu ka pesaka sida.

Nyadi ba cara siru diau anak lelaki diajar siru ngintu gari, ngintu ngepan enggau siru ngaduka ruai tikai. Nyadi gaya gari patut kena iya, enti gawai mit kurang agi ga pemanah gari kena, enti gawai besai manah agi. Bakanya ga ngintu ngepan, iya enda tau enda siru laban ngepan tu pesaka besai anak lelaki.

Kenyau ari iya belabuh mindah kulu kili, apai indai sama ngelalau anak lelaki jimat ceremat megai belanja. Kebuah alai enda tau enda jimat laban belanja ukai utai mudah diulihka. Nyadi enti iya masau belanja, iya deka pulai nadai, lebih agi tau ngaga penusah ka iya lebuh iya nyau tuai ila, enti utai lebih kena nadai disimpan iya ari iya biak.

 

Nyadi enti anak Ielaki pegi wang ka ulih iya terubah pegi nya patut kena iya ngaga tanda diri udah mindah. Enti utai manah bisi kena pansa tauka dipeda serantu jalai, utai nya tau dibeli ambika pesaka reta ditaruh anak ucu, kena ngingatka pengawa kitai ti terubah mindah.

Apai indai enggau aki ini endang adat sida ngajar anak ucu diri diau jimat ceremat. Ari penyimat diau mensia deka ulih selamat enggau pengalantang. Nyadi enti orang nya rua, enda ari pikir, bebuaika utai enda enggau patut, pengawa nya tau mapaka bilik iya, lebih agi enti apai indai iya udah parai.

Nya alai laban bansa Iban ingatka lalau jaku tuai pasal bejimat ceremat, nya kebuah Iban ka berakal diau enggai bendar bejudi, enggai bendar ngabiska ati diri ba masang manuk enggau betuie Iebuh nyabung. Sida nemu penyai ulih ketegal kelalu Iebih ari patut ngererja utai ti tau mapaka ruang enggau ngaga penusah besai ka anak sida empu ti deka nampung ruang bilik udah sida apai indai parai.

Tang ba Iban ti megai adat tuai nyabung tu endang pengerindu sida. Sida nyabung ukai mati-mati ka bejudi, tang maya ka nyabung sida betemu enggau karban, enggau pangan jauh ka lama udah enda betemu, maya tu sida berandauka utai ti manah kena ngidupka diri. Ari randau tu nya baru sida ngingat ka anggap diri lalu bulih peransang ngereja pengawa ngemansangka umai, kebun, dagang, besekula ka anak, enggau numbuhka pengawa ti ngasuh pemisi sida nambah.

Nitihka pengarap Iban main nyabung manuk tu ngayanka pemarani ati anak lelaki ba maya ngayau mulau ngelaban munsuh.  Manuk sabong sida tu dikebal baka ka ngebal mensia suman bendar baka antu ti nyabung kitai mensia.