Kriteria Sistem Sepil Iban.
1.Pun Jaku
Nitihka jurai penemu Profesor Dato’Asmah Haji Omar (1995) dalam keretas iya “Pandangan Terhadap Sistem Ejaan Bahasa Iban Yang Disediakan oleh Dayak Cultural Foundation: Atur Sepil Jaku Iban” ti nyadika pelasar lebuh ngaga sistem sepil tu bisi menatika kriteria tu:
(i) Prinsip Linguistik
Prinsip linguistik tu pelasar ti pemadu beguna lebuh merambu siti-siti pengawa ti deka ngasuh jaku nya standard baikka ari aspek sistem enggau struktur fonologi tauka ari aspek struktur jalai jaku (grammar). Taja pia, pengentap sistem sepil jaku Iban enda ulih beduduk penuh ari prinsip tu ketegal ti bisi ngembuan pengaya jaku enggau penyelai enti dibandingka enggau jaku bansa bukai. Berindik ari nya, kriteria ti bukai mega bisi dikenatika dikena napi pekara tu.
(ii) Penulin
Sistem Sepil Jaku Iban di Sekula tu ngembuan tukuh penulin kediri empu ti mandangka jaku Iban endang ngembuan chuan diri lalu ukai beduduk ari chuan jaku bukai. Taja pia, chuan sistem sepil jaku Iban enggau jaku Melayu bisi bekabih ketegal kedua-dua jaku tu ti sebilik dalam jaku seperugan.
(iii) Penyedang
Jaku Iban sekalika jaku asal tauka jaku injau endang ditulis ngena urup Roman. Berindik ari tu, sistem sepil tu digaga lalu ditaga ngena lambang ti enda kelalu lebih ngambika mudah dipereti lalu dikarapka chukup dikena napi pelajar jaku Iban ti disadang deka dipelajar sereta dikerembaika ngagai bansa bukai.
(iv) Pengelentur
Dalam sistem pelajar sekula, jaku Iban agi ba tikas ti benung ngerembai mansang ari semua aspek. Berindik ari nya, sistem sepil jaku Iban digaga enggau naka ulih ngambika setipak enggau pemansang jaku Iban kemaya hari tu ngena chara berinjauka jaku bansa bukai dikena napi segang pemansang dunya sains enggau teknologi.
(v) Praktikal
Sistem sepil ti standard, tegap sereta entap mesti praktikal dikena ba sebarang alai enggau maya lalu diterima semua ke belajar enggau ngajar jaku Iban enggau nadai penekul. Sistem Sepil Jaku Iban di sekula tu ngembuan taga kediri empu nya alai sistem sepil tu mesti bepelasarka jaku Iban ti dikena dalam kurikulum sekula ti ulih ngayanka SITI BANSA, SITI JAKU ke jemah ila.
Palan Pengingat Kitai 
Nama berita pengajar? Dulu ku madahka diri empu, aku Jickey anak Jonathan Damong, nembiak nuan ba SMK SEDAYA, taun 1995-1999. Diatu aku ngajar ba SK Long Makabar, Ulu Baram, Miri. Aku minta tulung nuan madah ka nama bup pasal atur sepil jaku Iban ti ulih dikena ngajar nembiak Taun Satu KSSR. Aku nyangka bisi nanya nuan pasal pengawa ngajar jaku Iban jemah ila lalu arap ka nuan ulih nulung. Terima kasih pengajar… Arapka nuan mujur dalam semua pengawa…
Manah……gerai. Ingat aku ka nuan….nama berita bala bukai….bisi sekeda ayan ba facebook lalu sekeda nadai ayan ba facebook?
Manah….nadai salah betanya…seraya ka sama-sama belajar.
Manah ga bala bukai.. mina bc jarang2 ga online… kdg2 manah server km ditu.. bala kaban bukai mayuh bengkah endur kereja.. kdg2 bc ga betemu…
Sepil jako Iban diato peda aku jauh jai ari sepil ke dulu. Laban o enda ulih dikena. Kebuah o jarang dikena dipelaba aku laban orang ke ngeringka jako enggau sepil jako Iban maioh ari Batang Saribas enggau Layar.
Iban ari nya endang enda nemu nyebut O. Tiun sida lain ari Iban bukai tang pemaioh sida semina 20% aja ari Iban bukai. Tiun Iban menoa nya ke nyelai angka bepun ari sida ke maioh betampil enggau Seru enggau Beketan.
Nyadi ba aku. Manah kitai ngena sepil nitihka majoriti Iban. Nambahka nya Q, Z enggau X nadai dikena ba sepil jako Iban tang utai tu tau dikena ba kitai nyepil DIRI ngagai DIRIZ, KITA ganti enggau Kitaq. Jako ganti enggau Jakox. Arinya semoa ABC ulih kena kitai.
Sepil jako Iban ke baru maioh ditempa enggau sepil jako Melayu. Nyadi agi panjai masalah sepil jako kitai enti kitai bepanggai ba sepiak Iban ba ai siti aja.
Ko jako kitai deka nyerakup bansa kitai. Mai Iban bukai beserakup tang ba adat ngatur sepil jako, cherita , budaya Iban kitai bechiping serta enggai beserakup. Ba aku penemu bakatu tau diubah.