Keterubah aku meri selamat lemai sereta selamat datai ngagai bala kitai ka bisi ditu.(Manah agi didinga enti kitai ngelala nama, pengawa enggau pangkat sida tu)
Nyadi baka ka sari tu kitai bejadi lalu ngerami seduai (sebut nama) tu jadi melaki bini.
Nyadi pengawa kitai baka ka lemai tu besai bendar reti iya, kelebih agi ba seduai iya empu enggau sida iya sebilik laban tu meh pengawa ka suah disampika bala apai indai, ka meda anak sida nirika rumah tangga.
Baka nya mega bala bujang dara, pengawa ka baka tu endang digiga, endang dianti.
Kabuah aku madaka baka nya laban sechara normal iya setiap iku kitai bisi tiga kali dikemegauka orang; iyanya keterubah iya maya kitai ada ke dunya tu. Maya tu, sekurang-kurang iya bisi meh kaban belayan, orang sepiak-sepiak datai ngulu lalu nanyaka nama penempa anak kitai.
Kedua iya, maya kitai belaki bebini, baka ka lemai tu.
Ketiga kali iya orang begelumu ka kitai iyanya maya kitai mati ninggalka dunya tu. Maya tu sebaruh-baruh pendiau tauka baka ni ka penyelai ulah kitai maya ka idup di dunya injau tu bisi meh orang datai ngulu pemati kitai. Tang enti sema iya bisi kurang tauka lebih ari tiga kali tu, nya tepanggai ba nasib kitai siku-siku.
Siti ari pekara ka ka dikenang aku ba kitai mayuh ditu, kelebih agi ngagai seduai ka jadi melaki bini tu enggau sida iya sebilik iyanya pasal pengerindu. Bisi rambai jaku orang putih ka ngemai reti iya enti dalam jaku Iban; Pengerindu endang enda kala minta tang selalu deka meri belama. Nya alai sapa-sapa ka idup dalam pengerindu sama bela bulih pengasih enggau penyayau ari pangan diri, ukai semina ari seduai iya tang mega ari bala entua, ipar enggau kaban belayan.
Enti sama bulih pengasih enggau penyayau utai bukai anang telah agi, endang sigi bulih laban pengasih enggau penyayau tu meh kunchi penyenang kitai begulai melaki bini lalu enda ulih dibeli kitai ngena mata duit. Nya alai pengerindu ka pangan diri beguna amat ngambika pengidup kitai belaki bebini senang lantang sereta meruan, taja pan dituntung penusah.
Siti agi pekara ka ka dikenang aku ditu iyanya, pasal madu enggau rachun. Pengidup kitai mensia di dunya tu endang bisi madu enggau rachun. Madu iya ditu iyanya pemajik tauka penyigat gamal kitai siku-siku, pemanah ulah, pementas, pengelandik, penyiru, pemagas enggau bemacham-macham agi pekara ka manah-manah.
Nyadi pemanah ka baka tu endang digiga lalu dikerinduka semua orang. Tang rachun, iyanya gamal ka enda manah, ulah-ulah ka enda manah baka ngelusu, pengirup, penginsap, udu ka bemain, pengutur, pengamah enggau bemacham-macham pengenyai ka bukai, ka ngasuh ati kitai begedi meda iya. Ba senentang tu kitai mesti ka nerima madu enggau rachun tu, kitai anang ngarapka orang berubah nitihka chara tauka atur kitai, tang kitai mega mesti sanggup ngubah diri nitihka chara orang ka enggau kitai begulai.
Ari tu baru kitai ulih segulai sejalai enggau meruan. Seduai ukai semina sanggup nerima madu enggau rachun ba pangan diri tang mega sanggup nerima madu enggau rachun bala entua, ipar enggau kaban belayan ka bukai.
Enggau awak tu megai, aku ka nyebut pasal nguai tauka enda nguai.
Ba sesetengah orang, nguai enda nguai tu isu sensitif lalu tau ngasuh ati enda lantang. Enti agi kelia pasal nguai tauka enda tu dipantangka orang bendar maya ngatur diri belaki bebini, tu nyangka laban menua jauh lalu tusah ka nemu berita ari pangan diri, lalu mega tusah ka bekirumka pesan tauka belanja enggau barang ka bukai. Siti agi nama kabuah nguai tu mesti nyemetak diputuska maya ngatur diri belaki bebini tu iya nya ngambika enda tusah enti iya mati, dia alai iya nguai, dia meh alai nyenggai.
Tang diatu, hal nguai enggau enda tu ukai bepanggai ba pemutus jaku, tang bepanggai ba ati diri empu. Nguai pan tua, enda meh semestiya diau begulai enggau entua laban diati kitai nyau sampal bekerja tauka mindah sebelah nengeri. Kelimpah ari nya, diatu mega udah bisi jalai raya, radio, telefon binching ka murah enggau internet kena kitai bekirum berita enggau bala apai indai, menyadi enggau kaban belayan. Baka nya mega baka belanja ulih dikirum ngena bank, tekan ka aja ba teller machine ulih duit datai nada ngira dini-dini endur tauka penyauh kitai ari pangan diri.
Agi suba mayuh orang takut nguai, kelebih agi enti ensepi tulang diri tak lembau selalu, laban kelia kerja berat-berat baka ngambi kayu api, nyauk, ngiga lauk, nebas, nebang, nugal, mantun, ngetau maya bumai betaun. Udah badu ngetau, ngangkut padi ga agi. Tu meh ngasuh sekeda orang tak mantul-mantul nguai laban gawa ba bilik entua enda baka peneka kitai ba bilik diri.
Iya ka penudi, kena aku ngujungka jaku aku ngarapka seduai ka jadi melaki bini tu
betuchung baka bukit,
bekebung baka langit
bepunchak baka jala
chelap lindap ngaun menua
bulih duit, bulih ringgit
bulih anak bulih telesak.
Nya aja; terima kasih
Palan Pengingat Kitai 
uji nuan nulis dlm blog tu gak pasal bakani kitai Iban kawin reti aku nya adat Iban belaki bebini..bisi ke ngena hantaran munyi ko laut tau ka bakani laban kitai Iban diatu jadi ba gereja (sigi manah ukai menyai) tang kitai mesti ka nemu tau ka bejalai ke Iban kawin ngena adat kitai empu tau ka kitai ngena adat nya maya ngintu/rami ba rumah panjai sepengudah ke jadi ba gereja. ngambi ka ktai Iban agi ingat adat ktai bejadi ke di gaga’ org ari kelia menya enggai ke apus.terima kasih
Au apin lama tu udah Iban Sabah kawin aku meda bisi hantaran. Bakanya mega, bakih aku siku betunang enggau indu Bidayuh mega bisi hantaran…. nyangka nunda adat Melayu, tang Iban mega bisi derian ka sama enggau hantaran nya.
Bkni kitai nyuak ke adat ka ngmbik bini pulai baru
Tu dikumbai adat ‘Nangga’uji betanya ba orang ka tuai.
ketegal aku munyi nya laban suah amat aku ninga bansa bukai nyebut “nyamai jadi ngau Iban laban “free” , nyamai jadi ngau Iban laban nadai mayuh kelikuh/pengawa nitih adat, nyamai jadi ngau Iban laban indu dara nya nadai rega(reti ia dito laban nadai “hantaran” “.
kami to Iban rebak baru ke nadai di ajar mayuh adat bansa kitai Iban ‘temasuk’ adat bejadi. maya bansa bukai nnya enda nemu bakani deka nyaut.
Ya…. Kitai Iban bisi istilah Kawin Koboi…nadai ibuh, nama-nama tauka dikejakuka tak begulai pia aja….abis berat pan ngemasaka siti mija ba restoran. kawin Rumah Panjai …besai ga ungkus iya..tang lempung laban saup diri serumah. Trend baru diatu kawin ba Hotel @ Restoren besai belanja lalu ukai sebarang orang ka ulih kawin baka tu.
Amat nadai hantaran @ derian @ dowry …Maya nanya indu, enti umbas iya pemesai pengawa….2, 3 butol cap apek tau ntadi pengawa. Enti ka kurang agi belanja enda ibuh betunang, manah terus jadi,
Enda tau beabis ati….maya kawin…laban ya ka beguna agi pagila lusa, setaun dua taun ngagai 10-20 taun ti ka datai.
Reti jaku derian tok ianya adat tanggam. Bisi sekeda disebut aja tang bisi mega adat nyengala lalu disua maia pengerami belaki bini. Adat tok diisi penganti lelaki. Enti sema laki memuai ngesai bini barang derian nya tinggal ba bilik indu tang enti bini muai ngesai laki ia lalu barang derian nya baih laki pulai. Adat tanggam iban remun serian ianya bedil sepengedang..reti ia bedil nya kira ke ulih diangkat ngena sepiak jari.
ba adat belaki bebini kitai iban endang sigi lebih adat ari orang kebuah pia adat kitai iban mayuh enda sabaka nggau adat org, anang madah ka kitai nadai rega tau ka free tau ka benilai tang kitai iban empu ka selalu ka ninggal ka adat kitai empu selalu ka ngambi mudah ngena cara pengarap baru. jangka aku ari 100 peratus ka 10 peratus agi ngena adat iban ti bendar ba jadi melaki bini. ambi ka banding ti kitai jadi enggau bansa org di kuching tau ka jadi nggu org di nengeri, bisi ka enda kitai iban baru ngena Derian ka tanggam jako, tu sama sama ari indu nggu lelaki, tang ti lelaki, minta bedil sebatang ka jamban teju ka tuwa iya ka nitih, tanduk rusak ka alai ngait ka nyabur tau ka pedang, penyadih bebendai selebuan, mayuh agi, ari indu dipinta indu ari lelaki, tungguk lebur api selambar, tanggui serayung siti, tikai buah selambar ka alai iya duduk, sumpit sebatang ka lalau, pangku dapur siti, mayuh agi, org menya bendar bendar utai tu di beri ka siko siko tang diubah baru org ka tuai kelia, diatu ngena mata wang…nya ari segi adat.. bedau ba belanja kena gawai nikah ari betunang nyentuk ka ngundang bunga pinang.
Ulih ka ku nemu definisi istilah ‘nguai’ dlm bahasa melayu??
Dalam budaya Melayu nadai adat nguai…nya alai tanggung jawab nyaga apai indai sigi pegai anak lelaki…indu mesti nitihka laki….Indah bisi jaku madahka enti sema laki enda ngasuh bini iya ngabas pemati apai indai bini iya…nadai pulai ka penyalah…bini iya bedusa enti enda ningaka jaku laki…..
Terima kasih
aku tok nama jak anak iban tang ohmyiban sgt mmalukn…ku ka tau samada nguai tok indu yg mesti nguai ke laki ka??nyema dh nguai nda ulih pulai ke rumh apai indai agi ka??mcm ni tok..tlg explain cz aku x phm istilah nguai ktai iban tok..mnta ampun nyema iban ku tok teruk..
minta ampun wai… ku bisi macha komen siti madah enti bini enda ninga ke jaku laki bedosa.amat ba mayuh pengawa kitai patut ninga ke jaku laki tang enti laki kitai mai tua jai enda patut ka majak nitih ke penemu iya.apai indai iya apai indai kitai ga.baka nya ga apai indai kitai apai indai iya.udah nya kemaya hari tu enda semesti ya ga kitai indu tu nguai.nitih ke penyamai at diri empu mih wai..amat mih kitai begulai enggau lantang.enda ngira di bilik diri tauka nguai.dunya udah mansang wai..
selamat pagi..keterubah ia ku minta ampun nyaka komen ku bc lain mimit ari nggau bala bukai..aku udah kawin lalu mega udah berterang ba tuai rumah tau ke rumah panjai..siti penusah ke nuntung aku ia nya ngaga surat kawin.kala aku niki upis JPN lalu sida madah ke aku nda ulih ngaga surat kawin diak.laban ukai peranak atau diau memdam ba menua nya.ok ngka amat aku lalu nguji ngaga ba dearah kami mpu.udah isi borang lalu di tempoh sida sebulan ndur surat nya datai ari opis kuching ngagai dearah bakong beluru.ari lima sarinya bc sida ba opis bakong tlfn madah ke surat nya udah tembu..lalu kemari sida tlfn baru madah ke surat nya nda ulih digaga laban IC bini ku nda ngam..ko aku nda patut no IC nya nda ngam..ko sida nti IC menua kitai 12345678-13-1234 tapi nggau bini d tu 12345678-71-1234..ko aku ukai nama IC ia -71- LABAN IA SUBA ADA BA BRUNEI. LALU NgAGA SURAT BRRANAK DIN..ko sida no IC bini ku mesti ka tukar ngagai -13-..ni ulih tukar.laban surat beranak ia ari brunei..ku mintalah pendapat ari kitai ti nemu gi jalai kena ku mupar ke penutah aku ti ka ngaga surat Kawin…terima kasih.
ulih nuan madah adat urg te deka jadi,procedure kawen ba depan mua penghulu? nam
nyadi unggal…minta nuan nerang ka adat pengawa belaki bebini baka mukul,jabir,alas enggau ka bukai enti bisi…ngambi ka lenak agi didingga nyamai agi dibaca
aku ka nemu senentang nguai aja .. laban aku kira dalam taun depan ka beterang , nibuh ku ka ramin kawin asal ku sah aja .. cukup ari apai indai , bala sepiak laki tauka sepiak aku nmu pemutus diri ka beterang .. aku baru 22 taun , nadai salah ka niri rumah tangga kan ? tang aku ka nguai laban laki ku nda ulih nguai .. pia mega kami semadik tiga .. aku anak kedua ? uji ktk meri ku pendapat pasal nguaj laban aku ka nemu ngau silik .. laban penemu aku kitai nguai ukai beerti muai apai indai tauka melakang apai indai laban nguai tok semina pemutus jaku aja ..
Lebuh maia jadi melaki bini orang tuai tauka Tuai Rumah deka nemu bagi orang ke nguai. Kebuah bakanya Tuai Rumah serta bala kaban melayan pun deka nemu bagi indu tauka lelaki ke nguai. Reti nguai tok dikena ngiga pun bilik. Enti bisi penusah nyadi, kini tunga maih ia. Ambi ke contoh ba pemati. Ngagai rumah ni maih serta ngintu ia. Enti nguai ngagai laki reti ia..sida rmh panjai laki ia ngintu ia laban ia nguai ke laki. Pekara tok bisi berlaku bila ngena adat.. tengah-tengah dua buah rmh panjai sama enda nerima bangkai ketegal nadai pun bilik. Nya kebuah bala Tuai Rumah nadai bisi adat tengah-tengah.
Jaku nguai ianya dikena org nemu pun bilik seduai ke melaki bini. Contoh: Enti bisi penanggul tau ke penusah kelebih agi ba pemati org tauka Tuai Rumah deka ngiga pun bilik. Enti nguai ngagai laki..pengawa nya deka diintu ba rmh panjai lelaki tau ke kpg lelaki. Enti nadai pun bilik..org rmh panjai tau ke org kampung sigi enda nerima nya kebuah tiap kali bejadi melaki bini Tuai Rumah deka nemu bagi ke nguai dikena ngiga pun bilik
aku ka nguai kebendar ya nitih penyamai ati ku mpu .. nya ku ka nemu pendapat ktk bakani .. ngka ulih nolong ku mimit ?
Naturally, jarang ga kitai mensia ka nguai ….laban sayauka apai indai, enggai jauh diri sebilik….tang ba dunya modern tu ….laban teknologi ICT nadai sapa-sapa jauh ulih telephone @ SMS….. enti ka nanya ka berita…lalu mega bisi chara online enti deka bekirumka belanja @ duit. Tang enti udah bulih pengerindu…sayauka pangan diri …nadai salah mutus ati nguai….nguai ukai bererti alah…..tang anag enda ingat asal kitai sigi asal kitai….bilik entua sigi bilik kitai….
Bakani kitai deka muai asai takut deka madah ke diri ka niri ke rumah tangga ngagai apai indai?