Penatai 2: Akin ari Skrang ke Bayor


Tusut Ari Dayang Laing Enggau Abu Tinggang: Terima kasih GNM WordPress.com

1. Dayang LaingAbu Tinggang = Saliman
2. Saliman beranakka Semarugan
3. Semarugan beranakka Sera Gindi
4. Sera Gindi beranakka Sema Ugang
6. Sera Gindam beranakka Sera Gindit
5. Sema Ugang beranakka Sera Gindam
7. Sera Gindit beranakka Sera Gindah
8. Sera Gindah beranakka Merom Panggai
9. Merom Panggai beranakka Abang Musa
10. Abang Musa beranakka Pateh Simpung
11. Pateh Simpung beranakka Pateh Rejab
12. Pateh Rejab beranakka Pateh Rendah
13. Pateh Rendah beranakka Pateh Rasiek
14. Pateh Rasiek beranakka Pateh Ayu
15. Pateh Ayu beranakka Pateh Gurang & Dayang Patri
16. Pateh Gurang beranakka Pateh Sayat
17. Pateh Sayat beranakka Pateh Ismail
18. Pateh Ismail beranakka Pateh Sulaiman
19. Pateh Ismail beranakka Pateh Menaul
20. Pateh Menaul beranakka Pateh Menegir
21. Pateh Menegir beranakka Pateh Teliang
22. Pateh Teliang    x    Dayang Simba = Radin Tanjung
23. Radin Tanjung    x    Dayang Lungah = Pateh Ambau
24. Pateh Ambau    x    Remias   = Pateh Irie, Babang, Liang, Tubang, Ganggung
25. Pateh Iri      x    Nain = Nunong
26. Nunung    x    Lampai = Chaong
27. Chaung    x    Lantong = Tindin “Pimpin Bragah Ngindang”
28. Tindin    x    Tida = Rinda (f)
29. Kalimbang    x     Inchoh (f)   =  Tama

30. Tama  x    Manyi (f) =  Kerbau

32.  Kerbau   x  Nisi  = Ujor (f)

32. Ujor (f)    x Gendup =  Rinya (f), Meling, Mawar Biak “Ragai Ngerang”, Eddie, Ranti.

33. Meling  x  Icha (bini dulu) =Gelingie (f), Lemai (f), Ulok, Anchang, Liping (f).

34. Lemai    x Akin       =   Da (siku agi? x Sibat)

35. Da (f)   x   Kalom   =   Bajik

36.  Bajik    x    Lila    =   Paloh

37. Paloh   x    Ambas     =     Sima

38. Sima    x    Baran      =    Nawie

39. Nawie  x   Gudom (mati Ngayau Lus 1902)    =     Gumbo, Tindin (pindah ke Mukah)

40.  Gumbo  x    Puau   =  Beranakka indai aku  (2 iku diri menyadi)

41. Tubuh kami (9 iku diri menyadi)

34.   Akin ari Skrang ke Bayor.

Nyadi lebuh Kaya jadi tuai megai menua Ulu Paku, alai Akin datai ari Skrang lalu minta berumah di Nanga Munan. Iya diau enggau anembiak iya dia tiga taun aja. Udah lepas tiga taun nya baru iya pindah melunggang an Batang Paku ka Teru lalu diau dia. Kira lima taun sida udah diau dia, sida pindah melunggang ke Ulu Ulai pati Bayor. Endur rumah sida di Ulu Ulai nya ba Nanga Bejit. Ba rumah tu sida agi apin pechah ari raban diri. Udah nya lebuh Akin parai ngayau ngalahka Kampung Grugu, (dipelabanka bansa Seru tauka Beliun) di Sarikei, iya diganti menantu iya Sibat jadi tuai nya baru sida berumpang menua nguluka Batang Bayor alah nyentukka Sungai Randau lalu terus ka entigis ulu Bayor bendar. Ba pun penatai sida bala anembiak Repun Betuah ari Bangat, Skrang, Akin ari Skrang enggau Radin ari Samu ka berimba menua Bayur sida enda berimba Sungai Randau laban nya dikumbai empa Iban Paku ka alai pun Tapang Tampak Panas tauka Tapang Blaki tang maya Raja Charles Brooke, orang Paku enda tau bempu menua nya agi laban jauh ari menua sida.

Nyadi laban sida tu ukai anembiak sida Padang ari Sebaru, Kalimantan ka datai ngelekai ari Nanga Rimbas nya kabuah peturun Akin di Bayor dikumbai bansa Bayor datai ka sari tu, laban penatai sida lain agi ari orang ti diau ngerejang Batang Rimbas.

Endang kenyau an tubuh Akin ka tau kayau mungkal Batang Bayor, orang di menua nya endang kering bendar ati ngereja pengawa. Ari sida ka keih bendar gawa, nya alai mayuh bendar orang bukai neladan pengawa Bayor.

Ba tubuh uchu-ichit  Akin sida iya pindah ari Bayor di Rimbas melunggang Ulu Bayor niki Tinting Batu ke sepiak menua Nanga Batang.  Dalam pemindah tu sida dulu diau lalu bumai menua sebelah Palu di Nanga Batang, nya alai sida bisi temuda di Palu.  Ari nya sida mindah ngili Sungai Batang lalu diau sereta berimba menua Ulu Pilai begulai enggau sekeda anembiak Radin ka pindah ari Samu di Paku.  Nya alai sida tu mega sama bela bisi temuda di Pilai, sereta mega sama bekunsi rian tembawai di Pilai dataika sari tu enggau orang Maras, Puak sereta sekeda orang Babang.

 

Ari Pilai bala peturun Radin ari Paku enggau peturun Akin ari Bayor lalu pindah ke Nanga Maras enggau Nanga Telik ka diatu.  Diatu Rumah Nanga Maras udah pechah iya Nanga Maras (Tuai Rumah Nyuak ak Sang), Nanga Belangun (Tuai Rumah Jantum anak Jabu), Sungai Isu (Tuai Rumah Tambi anak Jerah) enggau Nanga Pilai (Rumah Ali anak Berandah).

 

Di Nanga Telik bala peturun Akin enggau tiris pantis Padang sereta orang bukai ka sama pindah ari Bayor / Paku lalu berumah sereta berimba menua ka diikumbai Tinting Lalang, Tembawai Sampuk tauka Sungai Runga, Tembawai rumah atas (ili) , Tembawai Rumah Atas (ulu) lalu diatu ba baruh Tembawai Rumah Atas, tebing Ai Krian.  Tembawai Rumah Atas diatu nyau udah nyadi pendam kunsi enggau orang Sungai Galah ka sama pechah ari Nanga Telik. Pia mega Nanga Telik udah pechah dua. Nanga telik asal enggau Sungai Galah. (Jerita tu ditulis ari pelaba aku ka macha sekeda bup, laban jauh nadai orang ka tuai alai betanya.  Cherita ka silik agi ka dibantaika enti udah betanya ari orang ka tuai)

 

One response

  1. Sarawak Mariner/Diver | Reply

    Kena rintai tusut nuan nya tuai, Bala aku pen bisi ga turun Akin (Ari Nanga Ulai- Rimbas) Serta baka niang Tuai Rumah Sang anak Lamat di Ng Maras, mayuh amat madah ka aku.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: