Leka Sabak; Kalaka-Saribas


 

LEKA SABAK

Nyabak Nerengka maya Malam Nyengai Antu di menua Kalaka – Saribas tauka di sekeda menua bukai.

Nyuran

1         Tanah langgong bangat enda tepegaika nuan ti pumpung

ti alai nemu paung pugu sengkenyang.

2          Nama kabuah tinting panjai bangat enda tepegaika nuan ti sulai,

ti endur orang ngaga rumah panjai ti nejai ngakar tengang?

3          Nama kabuah taba bangat enda tepegaika nuan ti tejula,

aki Kenyali Lia.  Ti endur alai ngaringka batang?

4          Lapa tenung ai bangat enda tepegaika nuan ti rimpi

Mengkuli lebu ngapa nuan ngiri lemai ngabas puang sigi padi embawang?

5          Lapa tiang bumbung bangat enda tepegaika nuan ti pumpung

jelu Rengayung alai nuan nyangkingka tuchung raga menang?

6          Lapa tungkat bangat enda tepegaika nuan ti tumpat, Anggat,

lebu ngapa nuan mantap mansap berepang punggang?

7          Lapa pengerat bangat enda tepegaika nuan ti tumpat, Tuai berambat,

lebu ga nuan ngikat enggau lambar wi jerenang?

8          Lapa pemujur bangat enda tepegaika nuanti tumpur, deh ulun?

Lebu ngapa ga nuan digelar Petunjur Batu Ngenang.

9          Lapa sabar bangat enda tepegaika kita ti rimpi, deh Mengkuli.

Lebu ngapa ngaga kita baka pengrijik impun enseluang?

10        Lapa gelegar bangat enda tepegaika nuan deh Ruai Danan?

Lebu ga ngelar nuan baka ijuk ijar punggang tembawang.

11        Lapa luan ranggung bangat enda tepegaika kita ti pumpung deh jelu Rengayung?

Lebu ngapa ngelar kita penunduk benung tajau Bujang.

12        Lapa tukang atap bangat enda tepegai ka kita ti tumpat, Ruai Berambat?

Lebu ngapa ngelar kita reringkap peninggang sinang.

13        Lapa kita Sengkayau gesak bangat enda tepegaika Menari Julak ti suyak ?

Lebu ngapa kra ngelar kita pengelempai budak kain semerang.

14        Lapa anchau tikai bangat enda tepegaika kita deh Menyawai?

Lebu ngapa ngelar kita anchau tikai bakai

dikemerankan radai baya butang.

Nyuran Timbal Rumah

15        Enti kami  pengali enda tau diransi kita,

alai ngading arang ti rimpi;

tau meh kami digelar kita baka tanah tinggi, tugung renguang.

16        Enti kami bilik enda tau diransi kita,

alai ngading orang ti teketik;

tau meh bilik kami digelar kita baka tasik ngumbang Tankang.

17        Enti kami panggal pandak enda tau diransi kita

alai ngading Menari Julak, ti suyak;

tau meh kamu panggal pandak digelar kita baka ank munsang di Rajang.

18        Enti kami pua enda tau diransi kita, alai ngading orang tiu lela;

tau meh kami digelar kita baka lamba tekalung pundang.

19        Enti kami nibung enda tau diransi kita; alai ngading orang ti pumping:

tau meh kami digelar kita penyambung jala jarang.

20        Enti kami tepian enda tau diransi kita, ini Mengkuli alai ngading orang ti rimpi;

tau meh kami digelar kita serambi Ini Manang.

21        Enti kami dapur enda tau diramsi kita, alai ngading orang ti tumpat;

tau meh kami digelar kita Pemalai Kiai-Raja Jejenang

22        Enti kami abu redak enda tau diransi kita, alai ngading orang ti suyak;

tau meh kami digear kita karak mau Empanang.

23        Enti kami papung lulik enda tau diransi kita, alai ngading orang ti teketik;

tau meh kami digelar kita rarik sembung sekengkang.

Bisi tinggal………………….

29        Enti kami para tisi enda tau diransi kita, Seregigi indai indai ruai,

alai ngading orang ti rimpi;

tau meh kami digelar kita mua ari ka nyadi sarat betekang.

30        Enti kami pemanggai tikai enda tau diransi kita,

alai ngading orang ti sulai;

tau meh kami digelar kita baka reban rangkai lama diganggang.

31        Enti kami sadau enda tau diransi kita,

Ini Tajau alai ngading orang ti lenyau;

tau meh kami digelar kita kemabar nganti nebang.

32        Enti kami Lugu enda tau diransi kita,

Ini Sanu (nama orang ka mati),

alai ngading orang ti pambu;

tau meh kami digelar kita baka gerugu batu galang.

33        Enti kami lanji enda tau diransi kita,

Ini Mengkuli, alai ngading orang tu udah rimpi;

tau meh kami digelar kita betiangka wi danan bekerang.

34        Enti kami gentung enda tau diransi kita, tengkurung rekung

Ini Rengayung; tau meh kami digelar kita gelung kulit enteli tawang.

Besambung…………….

2 responses

  1. Intan Waja Lelengau | Reply

    ka nguji belajar ke leka main enggau adat iban.

  2. Rindu macha blog nn. aku ka belajar pasal mengacara majlis rasmi terutama di rmh panjai dalam bahasa iban.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: