MIMPI LINGGIR ‘MALI LEBU’
Diaduka baru ari karang asal ditulis Benedict Sandin
Nyadi Linggir ka bensumbar Mali Lebu tu siku tuaiIban Saribas ka kieh amat ngelaban perintah ba taun-taun keterubah penatai Rajah James Brooke menya, lebuh Rajah nya baru datai merintah menua Sarawak. lya ngelaban bala Rajah ka ngalahka Paku dalam taun 1843, udah nya dalam taun 1844, Linggir ngemai bala deka munuh Rajah empu di Astana. Dalam taun 1849 iya belanggar enggau bala Rajah di Beting Maro, lalu dua tiga hari udah nya nan baru ngelaban Rajah di Nanga Peka dalam Paku. Dalam taun 1858 iya alah belanggar enggau munsuh di Samudam. Lepas ari ka ngelaban Rajah, Linggir lima kali matak serang. Nyadi lebuh iya ngangkat ka diri bujang, Linggir bisi mimpi munyi tu:
Nyadi sakali lebuh iya agi biak, lebuh iya bejalai malam ka Samu, datai iya di Sengalak, dinga iya orang bisi ngangau minta anti iya. Iya pan lalu nganti tang orang nadai datai. Mupuk iya ari nya datai ba tuchung Labi Umbut, dinga iya bisi baru ga orang ngangau minta anti iya. Dianti iya nadai ga orang datai. Bejalai baru iya ari nya, lebuh iya niki Bukit Saban, dinga iya ngangau baru ga orang minta anti iya. Dianti iya nadai ga orang datai. Geli ati iya lalu belanda rari. Orang dinga iya seruran redup-redup berani-ari belanda entudi iya. Iya seruran rari berari-ari laban ati iya nyau takut.
Nyau kepuas iya rai alai iya datai ba ai Samu di baruh, lalu diperejuk iya Batang Samu. Nyadi redup orang ke nitih ka iya seruran semak berari-ari dudi ari iya. Datai iya di rumah, iya lalu tama ka bilik, nyadi orang ke nitih ka iya seruran nitih ka iya berari-ari alah datai ngagai kaki tangga.
Sereta lela mata iya ke tinduk, iya asai ka betemu enggau orang siku besai bendar bebulu, besirat tekalung, madah ka diri Enting Naing deka enggau iya ngayap. “Aku minta anti, nuan enda nganti aku,” ko iya. “Nyadi enti nuan nyerang ila, nuan enda tau encla ngangau ka aku, enti nuan madah ka aku, aku enggau serang nuan,” ka Enting Naing.
Nya alai laban mimpi iya tu, enti iya ngayau enggau enti iya mindah jauh tau-ka enti iya ngabang, Linggir seruran ngangau ka Enting Naing berari-ari di Bukit Saban.
Nyadi sakali lebuh pulai nemuai ari Ulu Krian, lebuh iya datai di tuchung Medang antara Ulu Krian enggau Ulu Paku, Linggir tak tekenyit lalu luput meda kendawang an mua iya ba jalai entachang ngagai iya. Lebuh iya luput, dia iya meda Bunga Nuing ngasoh iya ngambi sirat iya kena matak serang. “Sirat nya tau ka empelias nuan matak bala, Linggir,” ko Bunga Nuing. Dani iya luput peda iya sirat bisi ngimbai iya ka gali. Sirat nya lalu dibai iya pulai ka pangaruh dikena iya nyerang.
Enda bengat lama udah bekau nya, alai iya bejalai malam ka ulu Serudit pati Paku tebing kanan, enda bengat jauh ari rumah sida. Dini hari iebuh iya pulai, datai iya ba Nanga Sungai Enturun, peda iya tak genam api mau bendar makai babas. Iya semak endar ari nya, enda berasaialai iya lalu luput. Lebuh iya luput iya asai ka berekak enggau orang besai bendar gamal besirat tekalung bebulu ari pala nyentukka kaki. Seduai sama enda tealahka pangan.
Nyau kepuas seduai berekak enda talah ka pangan, ko orang nya, “Nyadi laban aku enda tealah ka nuan Linggir, ngemedis nya ga orang ila deka ngalah ka serang nuan.” Orang nya madah ka diri Enting Naing datai an tisau langit. Iya madah ka diri deka enggau Linggir nyerang enti iya mai.
Nyadi sakali kejang Aji deka na ka bala Rajah di Nanga Sungai Langit dalam taun 1858, Aji bisi berumban nemuai ngagai Linggir, lalu datai di Nanga l3eruru dinihani mabu, mai Linggir sama enggau iya negah bala Perintah.
Sereta udah ngelebus Aji pulai, Linggir tinduk baru ke alai iya bemimpi betemu enggau indu dua iku, Kumang seduai Lulung. Ka seduai tu, “Enti nuan deka ngalahka Rajah, Linggir, nuan enda tau enda jadi enggau Badung ke dikumbai Kumang Bunsu, menyadi sida Aji ka biak.
Dani iya pagi, iya lalu nusui mimpi diri ngagai bini iya Anong. Ko Anong, “Enda aku nan ka nuan jadi enggau Badung, Linggir, tang enti tua sarak nuan anang ingat ka aku agi.” Ninga saut Anung munyi nya, Linggir enda kempang jadi enggau Badung, pia mega iya lalu enda enggau nan ka bala Rajah di Nanga Sungai Langit.
Jaku Kenang: Bebida enggau Rentap, ba pengujung iya, Linggir taluk ngagai Perintah Brooke, lalu nyerang sekeda Iban enggau bansa bukai ka enggai talukka perinah: Tang ka Rentap ” Seagi-agi seput di dada “Aku enggai meda mua orang putih”.
Ditusui Tuai Rumah Libau anak Penghulu Garan ( uchu Linggir) dalam taun 1952.
Palan Pengingat Kitai 