Tampung Tuai Ulu Ai
Penerang: Tuai : Penghulu Ulu Ai
Penghulu Garit seduai Penghulu Bantin ‘Ijau Lelayang’ di Delok sechara otomatik badu nyadi Penghulu laban sida iya pindah ke Emperan, Sungai Leboyan di Kalimantan. Udah tu lalu Penghulu Allam ari Lubang Baya megai Delok, tang Allam mega badu laban iya pindah mega pindah nitihka Bantin ke Kalimantan Barat. Kana ka nyadi Penulung Penghulu megai sekayu Ulu Ai mega udah udah diasuh perintah diau di Lundu laban ka mantu Penghulu Asun ka angkat ngelaban perintah antara taun 1929-1933. Kana mati di Lundu ba pengujung Perang Dunya Kedua.
Bagi III: Tuai Saribas
21. Layar Ili, Saribas, Bagi Kedua
1. Tuai Bunyau ak. Awan (mati 1860an)
/
2. Penglima Bakir ak. Bunyau (mati 1874)
/
3. Pengarah Ringkai ak. Empari (petunggal sekali enggau Bakir) (mati l 902)
/
4. Penghulu Biju ak. Empari (menyadi Ringkai) (mati 1927)
/
5. Penghulu Empati ak. Nyanggau (anak menyadi lalu nyadi menantu Biju) (mati 1923)
/
6. Pengarah Isik ak. Kandau (peturun Isek ari Padeh) (mati 1948)
/
7. Pengarah Montegrai ak. Tugang
/
8. Penghulu Malis ak. Isik.
Penerang:
Bunyau sigi endang udah nyadi tuai di Saribas apin James Brooke dichiri Rajah Sarawak. Seduai iya anak iya Bakir sereta sida iya sekaban bebendar amat nulung perintah Brooke nirika Kubu Lily di Betong dalam taun 1858 kena negapka kuasa perintah di Batang Saribas.
Udah Penglima Bakir mati dalam taun 1874, petunggal iya Ringkai nganti iya. Ringkai tuai ka dipebasa laban iya ka landik ngaduka sebarang pekara ka nanggul Iban Saribas. Ari nya mega iya lalu dipaduka nyadi Kaban Kunsil Nengeri dataika iya mati dalam taun 1902.
Udah mati Pengarah Ringkai, Raja lalu nyirika Koperal Biju, menyadi Ringkai empu nyadi Penghulu. Baka Ringkai, Biju mega tuai ka landik ngereja pengawa lalu landik ngempung anembiak. Udah Biju ngemaduka diri, anak menyadi sereta mega menantu iya Koperal Empati nyadi Penghulu. Penghulu Empati mati dalam taun 1923.
Mati Penghulu Empati lalu diganti Tuai Rumah Isik ari Saka. Isik tu uchu Nawi, lalu Nawi tu menyadi Orang Kaya Pemancha Dana ‘Bayang’ ari Padeh, Layar.
22. Layar Tengah enggau Padeh.
1. O.K. Pemancha Dana Bayang ak. O.K. Beti (mati 1854) (Apai Dana OK Beti mati besatup ngelaban Seru di Krian lalu ditumbakka di Melupa, Saratok)
/
2. Aji anak O.K.P. Dana Bayang (Nitihka Benedict Sandin, ngelama tu Aji @ Ajee anak lumur 3, tang dalam bup jerita Rentap ka baru keluar 2009 madahka Aji anak tuai OKP Dana Bayang) (mati 1858)
/
3. O.K. Pemancha Nanang anak O.K.P. Dana Bayang (anak tuai) (mati 1901)
/
4. Penghulu Insol anak O.K.P. Nanang (badu 1918 , mati 1927)
/
5. Penghulu Jabing anak Ading (ichit Luyoh menyadi Nanang seduai Aji. 1918-1940)
Penerang:
Udah mati Penghulu Jabing, bala penghulu di Padeh lalu ketebal agi dipegai bala ari Padeh Ili. Baka Penghulu Angking mega baka Pengarah Isik, sama bela peturun ari Nawi menyadi O.K.P. Dana Bayang. Menyadi tuai sida Nawi seduai OKP Dana Bayang mega Isik.
6. Penghulu Angking anak Sampar 1 941 – 1 948
/
7. Penghulu Majoi anak Angking 1949-1951
/
9. Penghulu Baran ak. Broke (aya Majoi) 1952-1961
/
10. Penghulu Daniel anak Baran 1962-
Penerang:
O.K.P. Dana Bayang endang udah tuai maya Regim Brooke belabuh bekuasa dalam taun 1841. Dana mati dalam taun 1854 lalu diganti Aji, anak iya ti ketiga sereta antara anak lelaki iya ke pemadu berani.
Aji nguluka bala ngansakka bala raja di karangan Sungai Langit di Ulu Layar dalam taun 1858. Udah mati Aji Iban Layar, Spak and Padeh lalu nitihka Nanang anak tuai O.K.P. Dana Bayang seduai menyadi iya Luyoh ngenan enggau Rentap di Bukit Sadok neruska juluk ati ka ngelaban perintah nyentukka sida iya nunduk dalam taun 1861.
Udah nundukka perintah Nanang taluk amat ka Raja lalu antara tuai Iban keterubah masuk pengarap Kristian. Iya mega ngayanka pemerani maya Ngayau Kayan dalam taun 1863. Dalam taun 1886 ditikika pangkat nyadi O.K. Pemancha, sama enggau pangkat niang apai iya. Iya mega dipaduka nyadi Kaban General Council enggau Kaban Kunsil Nengeri ari taun 1891 dataika pemati iya dalam taun 1901. Orang Kaya Pemancha Nanang diganti anak iya Insol. Penghulu InsoI badu dalam taun 1918 lalu diganti Jabing, ichit Luyoh. Jabing mati dalam taun 1940.
23. Ulu Layar enggau Spak
Penerang:
Di Ulu Layar enggau Spak udah mati Luyoh dalam taun 1860an, orang ka megai pangkat penghulu diberi ngagai Tuai Rumah Lium ari Ulu Layar. Baktu ka ripih Penghulu menua tu:
1. Penghulu Lium
/
2. Penghulu Dempi anak Lium (dibuai)
/
3. Penghulu Baki anak Lium
/
4. Penghulu Dempi (dichirika baru)
/
5. Penghulu Unchat (petunggal Dempi)
• Ulu Layar
1. Penghulu Igoh anak Baki
/
2. Mandal Empaling anak Igoh
/
3. Penghulu Nanang
• Spak
1. Penghulu Unji
/
2. Penghulu Chaing
/
3. Penghulu Ulin anak Unji
/
4. Penghulu Seli (anak menyadi Ulin)
24. Ulu Layar Ili (wad baru)
1. Penghulu Dana anak Penghulu Gait
/
2. Penghulu Sigat anak Linggi.
Penerang:
Penghulu Dempi dua kali dichiri lalu dua kali mega dibuai nyadi penghulu laban iya bisi ditemu bekaul enggau orang ka ka angkat nelaban perintah. Udah Penghulu Unchat dibuai menua nya lalu dipegai dua iku penghulu. Penghulu Unji megai Spak lalu Ulu Layar pegai Igoh anak Penghulu Baki.
Nyau tuai Unji Tuai Rumah Chaing dichiri jadi Mandal lalu megai Spak. Chaing amat dichiri nyadi penghulu ba pengujung taun 1930an udah Penghulu Unji mati.
Nyadi Penghulu Dana anak Penghulu Gait tu endang udah nyadi penghulu di Julau. Iya dikemaduka ketegal ka belaya ngelaban Kibong ari Skrang. Angkat ari Julau Dana lalu diau di Nanga Linsum di Ulu Layar, ditu meh iya dipaduka nyadi penghulu maya pegai Jipun. Dana tu endang ichit Luyoh, llau mega ichit Penghulu Seminai di Julau. Iya mati tuai di Seruai, Saribas, dalam taun 1968.
25. Batang Paku
1. Linggir Mali Lebu ak. Uyut(1840-1874)
/
2. Penghulu Garran Lembang Batu ak. Chabu (anak menyadi & menantu Linggir) (1875-1900)
/
3. Penghulu Kinyeh ak. Linggir (ipar Garran) (1901)
/
4. Penghulu Saang Rumpang ak. Kedit (1902-1918)
/
5. Penghulu Tait ak. Kedit (1918-1925)
________________________________________
1. Penghulu Kedit ak. Embit (1884-1902)
2. Penghulu Mula ak. Renggi anak menyadi Linggir (1902-1918)
3. Penghulu Luta Tedong Ngelantar ak. Tangai (ichit Linggir Mali Lebu (1918-1925)
________________________________________
6. Penghulu Ijau ak. Luta (ukai Luta Tedong) (1926-1944)
7. Penghulu Andil ak. Keling uchu Kinyeh) (1 944-1 947)
8. Penghulu Ugat ak. Muli (uchu MuIa) 1947-1955)
9. Penglu1u Sanggat ak. Uyut (uchu Garran) (1955-
________________________________________
• Penghulu /Temenggong) Ngelambong ak. Libu (1945-?
Penerang:
Linggir Mali Lebu sigi udah nganti apai iya Uyut nyadi tuai Paku lebuh maya James Brooke datai dalam taun 1840. Linggir mati dalam taun 1874 lalu diganti Penghulu Garran. Dalam taun 1884 lebuh Mr. Deshon Residen menua Bagi Kedua, iya magi Paku pegai dua iku penghulu. Paku Ili enggau Anyut pegai Penghulu Garran ulu Paku pegai Penghulu Kedit.
Udah mati Garran dalam taun 1900 iya diganti ipar iya Penghulu Kinyeh ka megai Paku enggau Anyut, iya nyadi penghulu semina tiga bulan aja dalam taun 1991. Penghulu Kedit ka megai Ulu Paku (ukai Kedit apai Penghulu Saang seduai Penghulu Tait) mati dalam taun 1902. Kedit diganti Penghulu Mula ( anak menyadi Linggir Mali Lebu ka mati dalam taun 1921.
Di Paku Ili enggau Anyut, dua taun udah pemati Kinyeh, Tuai Rumah Saang ari Sungai Pelandok lalu dichiri Penghulu. Iya ngemaduka diri dalam taun 1918 sama enggau Penghulu Mula di Ulu Paku. Penghulu Saang diganti menyadi iya Penghulu Tait lalu Penghulu Mula anak menyadi iya Luta Tedong Ngelantar ari Samu, Paku.
Penghulu Tait seduai Luta dikemaduka dalam taun 1925. Seduai iya diganti Ijau ari Nanga Buong ka megai sekayu Batang Paku. Ijau mati dalam taun 1944. Mati Penghulu Ijau iya lalu diganti Andil uchu Penghulu Kinyeh tang enda lama udah nya alai sedadu British datai di Sarawak udah alah Jipun dalam taun 1945 udah nya alai Temenggong Ngelambong anak Libu ari Sekundong lalu dichiri penghulu nambahka Penghulu Andil. Ngelambong megai Paku Ili, lalu Penghulu Andil ari Beduru megai Ulu Paku enggau Batang Anyut.
Andil mati dalam taun 1947 lalu diganti petunggal iya Penghulu Ugat uchu Penghulu Mula. Penghulu Ugat ngemaduka diri dalam taun 1955 lalu diganti Penghulu Sanggat uchu Penghulu Garran ngena chara bepilih.
Palan Pengingat Kitai 