Jaku Sempama


Kelimpah ari tuai-tuai ka disebut di baruh:

  1. Tuai Serang
  2. Tuai Kayau
  3. Manuk Sabung
  4. Tuai Menua
  5. Tuai Rumah
  6. Tuai Burung

Kitai mega bisi tuai-tuai bukai ka disebut dalam jaku sempama enggau jaku rama lalu reti iya baka tu:

  1. Tuai adat  = orang nemu pasal adat Iban baka pengawa melah pinang, bemacham-macham gawai, pengawa bumai betaun, butang-betumbang, jadi salah serak enggau adat ka bukai.
  2. Tuai Antu = Orang ka pun bilik nyadi Tuai Gawai maya Gawai Antu.
  3. Tuai bulu = orang ka tau ngereja pekara ka enda tau diaduka orang mayuh (enggaika alah ayu ka orang).  Tu ukai ketegal pengenau tauka pengelandik iya tang laban penemu tauka pemerani iya baka ngaduka rangkah orang ka mati dalam babas, ngirup jalung, ngirup buluh, makai serarai enggau makai burung.  Simpul enggau jaku pandak, agi kelia menya ketebal agi orang ka tuai bulu tu udah bedengah baka Tuai Serang,  Tuai Kayau, Manuk Sabung.  Kelimpah ari nya sida tu mega bala manang, beliau, lemambang enggau bala indu ka betunjuk lunchik, pandai di chunggai ujung jari.  Pandai betenun, landik ngikat, landik ngebat.  Orang mayuh enda tau ngerja sekeda utai tu ukai ketegal enda nemu tang laban puda bulu, ngujungka sida tau alah ayu, lesi bebadi laya sulai.
  4. Tuai bulu pala = orang ka udah tuai umur, iya dibasa ketegal penuai.  Enti ba pengawa rama tau ga nyadi tuai nubai mansai, tuai ngembuah, tuai nginti, tuai umai enggau tuai main bol.
  5. Tuai Burung = Landik sereta suah alai orang betanya pasal adat beburung, taja pia enda semesti iya tau ‘makai burung’
  6. Tuai Gawai = orang ka dipaduka ngepunka atur pengawa maya begawai Dayak, gawai batu, gawai umai tauka gawai bukai.
  7. Tuai laya = orang ka suah ngepunka laya kelebih agi maya bisi pengerami.
  8. Tuai lukai = tuai umur ; “Aku ka udah tuai lukai tu dikeduan sida” ko Ini Manang gut-gut kediri.
  9. Tuai piring = pengibun piring rumah enggau tiang pengingat, diplih nitihka ripih tauka iya endang nemu pasal piring.
  10. Tuai pala upa = Tuai ngapa tang nadai penemu, kelebih agi ba adat, tusut enggau pengingat.  Tang enda semesti iya enda meruan dalam pengidup.
  11. Tuai Sabung = Kepala orang nyabung manuk, enda tau sengapa, mesti penyabung lalu samsing-samsing mimit.

One response

  1. felliszora siah | Reply

    erm..ulih kah aku nemu bkani chunto ngena leka jaku sempama iban kemya ari tu..?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: