Unggang Lebur Menua


UNGGANG ‘LEBUR MENUA’ THE FIRST SEA DAYAK

2.     Rinda (f)                                          x      Demong                           =     Kalimbang, Kelanang, Bundak, Jawai (f), Bakak “Asu Rangka Ngeribang Tulang”.

3.     Kalimbang                                       x      Inchoh (f)                        =    Tama

4.     Tama                                                 x      Manyi (f)                         =     Kerbau

5.     Kerbau                                             x      Nisi                                     =     Ujor (f)

6.     Ujor (f)                                             x      Gendup                           =     Rinya (f), Meling, Mawar Biak “Ragai Ngerang”, Eddie, Ranti.

7.     Mawar Biak “Ragai Ngerang”  x      Lena (f)                            =     Gallau, Sulan (f)

8.     Gallau                                               x      Chandu (f)                      =     Imban, Ladang (f)

9.     Ladang (f)                                       x      Bunyau                             =     Kunchit.

10. Kunchit                                            x      Umoi (f)                           =     Unggang “Lebur Menua”.

11. Unggang “Lebur Menua”         x      Sangan (f)                       =     Luta, Mulok, Ketit, Sulan (f), Selaka (f).

12. Mulok                                               x      Mendu (f)                       =     Changgai, Ladang (f), Sendie (f).

13. Changgai                                         x      Linda (f)                           =     Budin “Antu Gerasi”, Dunggat, Eddie.

14. Budin “Antu Gerasi”                   x      Mindu (f)                         =     Mengan (f), Ujih, Lumpoh, Selaka (f), Biut (f), TR Langie, Martha (f).

DI menua Layar Ili Unggang ke bensumbar Lebur Menua udu amat nanka menua ari diserang munsuh. Sida iya ngansakka perintah Brunai nyerang Sarawak, Sadong, Oya. Mukah, lalu terus ke Bintulu. Laban empa pemalat serang Unggang, nyau baka ka ditebas pangabis mensia, nya alai Nanga Sarawak lalu mindah nama ngagai Nanga Tebas (Muara Tebas) diatu tampak agi disebut Kota Samarahan. Tang nama Nanga Tebas nya agi meruan ditemu orang dataika kemayari tu.

Nyadi apin Unggang jadi berani, tau kayau ngagai iya tati serang, lebuh iya angkat bujang dia iya hisi mimpi asai ka merau ngilika  Nanga Layar lalu sangkai bekau puput ka ribut ba tengan bukit Santubong. Ari tengan bukit nya iya lalu niki ke atas.

Apin bangat lama udah iya ngejangka perau iya, endur iya betemu enggau indu bajik bendar gamal dua iku. Sereta meda iya ka indu nya;

“Ngena bendar maya nuan datai ditu, Unggang, laban kami dua baru udah tembu mandi.” Indu dua iku nya mega madah ngagai Unggang seduai nadai awak berandau lama enggau iya. Sereta indu siku udah nyebut jaku nya, siku seduai nyuaka Unggang batu perunsut. Ka iya ke nyua,

“Tu ka pangaruh nuan kena matak serang. Semua menua ari Luba Santubong nebing kanan terus ka Nanga Layar alah magang kena serang nuan. Tang enti nuan nyerang ngelui Luba tu nunga ka Tanjong Datu kami dua sulu enda agi ngemata ka pengawa nuan, Indu dua iku nya lalu madahka nama diri Kumang seduai Lulong.

Udah iya bemimpi tu, Unggang lalu beban perau pangayau sebuah besai bendar. Ruang perau iya tau alai nganchau idas (bidai). Ngena perau nya iya nyaga Nanga Layar, nachahka semua orang ti enda dikelala, enti sida nguji deka nama  Nanga Layar.

Nyadi Unggang ngayau nadai kala mai bangkung mayuh laban perau iya empu mayuh sakai. Laban bangkung iya ka dua tiga buah aja, nya alai iya enda kala alah laban munsuh lebuh beIanggar. Nya alai laban pengering Unggang, enti orang ninga ta iya bisi beranti ngelingi Nanga Layar terus ka Luba Santubong nadai orang bisi berani deka ngelanggar bala iya.

Nyau ka lama udah Unggang main beripa ba tasik bakanya, nya baru bisi bansa China bedagang di Sarawak bejaku enggau iya lebuh iya rembus ba pasar sida ba Nanga Kuching.  Bala China dagang madahka diri bsi ati deka bedagang ke Saribas. Unggang madahka tau, enti sida tentu deka nerebai ka menira burak ba bandung (perau besai) sida. China madahka din deka, nya alai sida pan lalu dikemendarka Unggang bedagang ke Saribas.

Nyadi utai dibai sida terubah datai ba menua Iban di Saribas nya; periuk tenaga, periuk petani, kali, pinggai, besi gerunung, geri, bun, pelaga. marik lama, tuchong, marik engkabang, rangki enggau tanchut birang. Nyadi utai kena Iban meli utai tu nya padi. Lebuh jeman tu utai bukai enda dibeli China baka rutan enggau dambar sakalika asil ari kampung. Rega sigi pelaga sapasu padi.

Nyadi China dagang rambau tu semina bedagang,  sida nadai diau mendam berumah dalam Saribas. Enti barang sida udah abis laku, sida lalu kemaya nya mulai ka diri baru ke Sarawak ngerembaika menira burak ba tiang layar sida awakka orang Saribas ka beripa di tasik ngelala sida.

Nyadi semua bansa bukai ke enda nerebai ka menira burak enti bisi ayan dibunuh orang Saribas magang, anang telah agi enti orang nya bansa Bajau enggau Lanun ke endang munsuh lama sida sama beripa enggau sida di tasik nunga ka utara Nanga Layar.

Semina orang enda dibunuh sida nya Laut Saribas ti tau nusut diri aris Temenggong Kadir seduai Abang Gudam. Kebuah sida enda munuh Laut tu, laban sida nya endang Laut gulai Iban Saribas. Sida enda tau jauh pangan. Nya alai endang adat kenyau ari tuai dulu kalia enti Laut ka diau semak Nanga Layar nadai hiab, nadai payan, nadai lalis tauka danan enggau tubu paku, sida mudik kulu nukar utai nya ngagai Iban ngcna ikan masin, bubuk, undang kupak, tesar, enggau garam apong. Pia mega Iban, kejang deka nugal. endang ari asal bebai ka leman utai ti kena sebut nya tadi kena nukar salai kalan enggau lauk bukai ti dikemisika Laut lebub maya nya taun. Jaku kena Iban ngangauka Laut ti pangan sida kelia nya Udong. Jaku tu enda agi dikena diatu semina agi dikingatka dalam leka main aja.

Nyau tuai Unggang Lebur Menua, anak Orang Kaya Beti ke digelar Orang Kaya Pemancha Dana Bayang, enggau Unal bensumbar ‘Bulan’, anak Uyut ke benama Linggir bensumbar ‘Mali Lebu’, Igoh apai Lamban balat bendar belaban enggau perintah Brunai. Sida tu nyau nguji  belayar matak anembiak ngayau merau nebing tasik terus ka Mentrado, Sungai Raya, Sambas enggau Mempawah ti kena pegai Belanda dalam perintah Indonesia  kemaya ari tu.

Nyadi dalam Skrang lebuh tu tuai ke ganas amat nguluka inembiak nyerang tunga ka Sambas enggau Pontianak nya Libau bensumbar Libau Panggau Dara Rentap Tanah Rentap Menua, Bulan Genaya, Bulan apai Jelani, Orang Kaya Rabong, Orang Kaya Gasing, Sandom enggau Renggi. Nyadi di Banting nya Lang ke bensumbar Ijau Berani enggau menantu iya ke benama Orang Kaya Janting beberita berani maya tu kelia.

Enda mukai-mukai benung pangachau tu nyadi pengari perintah Brunai di Lingga ke benama Indra Lila menyadi Lila Wangsa seduai Lila Pelawan nyabung Iban Saribas enggau Skrang bemunsuh ngelaban Iban Undup, Lingga enggau Banting. Laban petenah tu nya alai Orang Kaya Dana Bayang ari Padeh angkat nyerang rumah Manang Langgong  dalam Batang Undup, kenu ka orang ka tuai raung pan nadai agi bemunyi dalam Batang Undup bekau serang tu. Nyadi petenah tu kelia madahka Angkum menyadi OKP Dana Bayang mati dibunuh orang Undup, tang kenu ka orang Angkum tu nadai kala kena sebut dalam tusut peturun OKP Dana Bayang.

Udah pukas mimit pengachau tu alai Luta anak Unggang Lebur Menua bisi ninga di pulau Belitong semak Pulau Jawa orang bisi nyual tuchung besai bendar ulih dipasukka ngagai pala. Iya keras bendar deka meli nya awak ka bisi jadi ka pesaka besai ya. Nya alai iya mai adi iya Mulok seduai Ketit. Tang sida tiga tak nadai pulai. Ka berita dibai Laut lebuh nya bisi rang nemu rampang perau sida tiga ba pasir semak Nanga Sungai Ubah kilah ujung Tanjung Datu kin ka agi.

Ketegal pemati bala anak Unggang tu pengawa nyadi tuai serang di Batang Layar enggau seluruh Saribas lalu dipegai OKP Dana Bayang ari Padeh sereta Linggir Mali Lebu ari Paku.  Tang datai ba tubuh uchu Unggang, Bunyau apai Bakir iya dulu nundukka James Brooke nyadi pengiring rayat ngaga Kubu Lily di Munggu Senggang di Betong nya alai iya enda sebulu enggau sida Aji anak OKP Dana Bayang di Padeh.

Chief Unggang “Lebor Menoa” was the invader of the old Malay Village at Muara Tebas where he and his warriors killed many enemies. He also guarded the South China Sea coast from the mouth of Saribas River westward as far as Santubong Delta from frequent invasions of the Illanun and Sulok Pirates before the arrival of James Brooke to Sarawak. His sons Luta, Mulok & Ketit perished while sailing in search of Tuchong (Hugh Shell valued by people in ancient days for making armlets) to the Beliton Island. He was also the originator of the modern day dowry of the Saribas Iban wedding custom. His grandson Bunyau was the father of Panglima Bakir and the brother of Maoh who were the first Saribas Iban Chief to colloborate with the Government of James Brooke in building a fort at Betong in 1858. This unwelcomed action angered Ajie, Nanang & Luyoh (sons of OKP Dana “Bayang” of Padeh) and resulted in hatred among them and this led to the later’s attack on the Fort and Ajie’s death at Sungai Langit. This quarell continued until after Nanang & Luyoh’s surrender at Sadok Mountain in 1861 after the Third Sadok Expedition.

Pia mega, udah mati Unggang enggau bala anak lelaki iya orang Layar Ili nadai tentu agi beberita berani nya alai nama Nanga Layar lalu disebut Nanga Saribas laban Temenggung Kadir ka pindah  ari Samaruang ke Nanga Saribas tampak agi rita ditemu orang dalam Batang Saribas ari bala Iban Batang Layar. Taja pan ai Layar besai agi ari sungai ai Saribas.

After Manggi’s death, Temenggong Kadir and his family moved up from Semaruang to settle at a village called Saribas, which was about one and half miles below the present town of Pusa. While there, many foreign traders came to the district to trade. These traders landed at Saribas village and the village became an important centre; subsequently the name of the whole river was changed from “Batang Layar” to “Batang Saribas”. “Saribas” had previously been the name of a small stream which ran through the middle of the village. While Temenggong Kadir was living at Saribas village, he gradually converted the Seru, the Bukitan and the Beliun peoples to Islam. These people had previously been captured, enslaved and subsequently sold to Temenggong Kadir and his followers by the Dayaks as they progressively occupied the district.

From Saribas village, Temenggong Kadir moved again and settled at Pusa at the confluence of the Rimbas and the main Saribas River. Abang Gudam and Dayang Chi, after the birth of their first son, Abang Drahman, moved from Semaruang to join Temenggong Kadir and his people at Pusa. Some time after this Temenggong Kadir died and was buried at Sapinang cemetery which is situated between Beladin and the present settlement of Samaruang, near the mouth of the Saribas River.

5 responses

  1. Terima kasih ngagai nuan mantai ka cherita Lebur Menua tuk…mupuk aku

  2. Bedilang Besi | Reply

    manah amat pekara ke dipansutka nuan tu. Aku nyau munyi ke madah diri endnag siku ari peturun Unggang “Lebur Menua”

    Tusut engku baka tu :

    Unggang + Sangan = Sulan
    Sulan + Awan = Bunyau, Undu
    Undu(F) + Empari = Pengarah Ringkai,Penghulu Biju,Eddie, Tangkun,Nyanggau
    Pengarah Ringkai + Itu = Setiri
    Setiri + Salang = Siah(F)
    Siah + Layang = James Anin
    James anin + Juliana Bragai Bedus = Satnley Graman, Timothy Salang, Diana Selaka, Larry Mahathir Kedit

    Terima kasih

    1. MABNangaTelik | Reply

      Terima kasih.

      Manah nuan, ukai semina mansa tang lalu ulih ninggalka jaku ka seleka dua.

  3. nicholas julai amot | Reply

    kati bisi jerita pengingat tuai ianya Rimong & Ruma laban lama amat aku dah ka ngiga jrita tu.
    Pia mega ulih ka nda nuan ngaga siti column ia nya motivasi pelajar ngagai nembiak kitai iban ka benung besekula

    1. MABNangaTelik | Reply

      Nick

      Jerita pengingat tuai ianya Rimong & Ruma aku enda tentu nemu, bisi enda ka bup jeritanya kala dikeluarka. Pasal motivasinya, meda baka dulu, enda tentu tak landik ba penemu nya. Tambah mega, mayuh udah bup bacha tauka website tentang motivasi.

      Taja pia, terima kasih ngagai nuan.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: