Banting-Lingga – Batang Krian.
Malam nya dua iku anembiak Unal dasuh iya berenung ngangauka renung kayau. Ninga renung nya, lebuh bala Lang merau ngulu Layar mansa Nanga Pelasan, sida lalu nama Pelasan nyubuk munsuh. Sereta dirakit ka sida perau ngagai perau ke ari ili agi, sida lalu ngamuk. Tekenyit laban munsuh anembiak Unal lalu terejun rari ka tebing. Nyadi meda munsuh udah, Unal Bulan ngasuh Uyu ngejangka perau ngansakka munsuh kili. Sereta sida berimbas sida lalu bamuk. Udu hendar sida bamuk, Engkudu ka ngeluan balat bendar malu munsuh enggau turus, lalu munuh munsuh mayuh bendar. Lama hendar sida bamuk. Anembiak Lang alah, iya empu lalu parai lebuh tu, tang lama bendar sida ngerendam iya ka dalam ai baru iya parai. Lang kebal bendar.
Dinihari nya mega bala Janting ke ngalahka Kalaka nuntung ba rumah Orang Kaya Temenggung Tandok di Nanga Melupa dalam Krian. Sida ngalahka rumah lalu alah. Temenggung Tandok empu lalu parai lebuh tu. Semua anembiak Temenggung Tandok enggau iya empu parai 130 iku, bebanding enggau 132 iku Balau ke kena bunuh bala Unal Bulan di Pelasan
Udah Orang Kaya Janting ngalahka rumah Temenggung Tandok di Nanga Melupa, bisi berita ditusui Laut ke Batang Rimbas, madah ka Orang Kaya Janting deka mai bala besai ari Lingga ngalahka Rimbas tauka Paku bebalaska pemarai Ijau Lang ke betachah enggau Unal Bulan di Pelasan dalam Saribas semak Nanga Layar.
Palan Pengingat Kitai 
Balau Lang tu menya sigi amat kebal. Bisi 8 iti abi pantap ba pala Lang. Ia sigi ditinggang bulu Unal Bulan ke endang bujang berani ke berantu ke nyadi manuk sabung OKP Dana Bayang.
ijau lang..kami serumah.g bc duku ilang ia dsimpan bala uchu ichit
sapa ngibun duku nya diatu wai?
Ijau Lang enggai ngayau ka Saribas laban nemu diri alah bulu laban OKP Dana Bayang. Tambah mega ia udah dipadah Kumang ti nulung ia, nda tau ngelaban OKP ti ditulung Keling. Tang laban ti alah ansak mentua ia, ia pen nurun mega ngayau kin. Ia amat kebal serta ulih bejalai atas ai. Nyadi pemarai ia baka tu, meda orang ia abis mati nyengkaum mentua ia empu, ia pen lalu nadai ati deka idup serta deka mulai ke diri ke menua laban malu alah kayau. Nyau pemuas orang ke bersaup deka nguji munuh ia tang enda ulih, dia ia madah ke diri cara munuh ia. Ianya ngena bemban. Orang pen ngiga bemban lalu numbuk ia ngena bemban ba rusuk. Sebedau parai, ia madah ka sida ti munuh ia. Ia deka nyadi baya serta makai orang menoa nya kena bebalas. Lama amat orang menoa nya enda ulih mindah nurun ngena ai. Abis diempa baya besai.Bisi sekeda versi cherita ngangau ke ia “asal bujang senang”. Nyau pemuas, orang menoa nya pen lalu miring bedara minta ampun serta ngasuh baya nya enda ngacau sida agi. Udah pengawa nya, baru menoa nya chelap baru. Baya nya ko cherita pindah ngagai menoa asal ia empu, Batang Lupar. Ia diau dia ba Sungai Senang, lalu nyaga menoa Banting (menoa asal Ijau Lang) ari ti kena kayau munsoh. Baya nya selalu ngaram serta makai orang ti nguji ngayau kia. Nya kebuah menoa Banting enda alah kayau laban munsoh nyentok maia Rajah Brooke datai ba Banting. Rajah Brooke mega lalu ngambi Ijau (peturun Ijau Lang, ti ngangkat ka ia) nyadi ke manok sabung Rajah Brooke ngalus ke menoa. Ijau tu bisi dalam sejarah Rajah Brooke serta jerita tuai-tuai kitai Iban.
Sapa nama org kuat Rajah Brooke ka diasuh ya nurun ngayau ngagai saribas? bisi dua iku… Pemati dua iku tu tadi lalu ngasuh rajah brooke nda berani agi lalu mulai ke diri…
Duku ilang ti ko Monica Midi nya, duku Ijau biak.Ijau ti nyadi manok sabung Rajah Brooke.Ijau ti ngangkat ka Ijau Lang. Duku ilang Ijau Lang dibuai ia ba ai Batang Saribas. Takut diempu munsoh.
minta ampun engka komen aku ditu legi bisi ngasuh ati kita ensiban, Unal Bulan ukai manuk sabung OK Dana Bayang, Unal Bulan manuk sabung Libau Rentap, buah tanam iya begulai enggau Rentap maya sida ngambuh ba emperan Nanga Ikit, Ulu Spak agi meruan nyentukka sehari tu. Perau Lang ke alah bamuk ngelaban bala Unal lalu ditetak sereta dipebagika bala Unal lalu agi bisi dikembuan bala peturun Unal nyentuk ke sehari tu lalu tau ke penchelap rumah. Unal sigi enda nunduk ke Raja nyentukka iya parai sama baka Libau Rentap, iya ukai bala tuai-tuai Iban Saribas bukai ti nunduk ke Raja laban alah beri Rajah pangkat enggau derjat. Pengaruh kena Unal ngayau(buk Kumang) agi meruan dikembuan bala uchu ambu peturun Unal nyentuk ke sehari tu. Unal parai tuai lalu ditumbakka ba Pendam Keladi dalam ai Spak. Unal sama enggau Rentap, seduai iya nadai mayuh dengah.
pia mega Unal tu ada muda, reti nya iya ada enda chukup bulan, indai iya benama Rengayan tang apai iya enda temu nama, iya chakah amat diau ba Bukit Melanjan, Spak. Bukit Kong, Spak. Nyelutung(Luwing, Spak. Tembawai Sengalak ari atas rumah orang Temedak ti betuaika Tr Daw ke diatu. Cherita Unal nadai tentu nyengala ditulis bala penulis ke udah-udah laban orang ke amat-amat nemu pasal cherita Unal Bulan enda kala ditanya orang ti nulis cherita pasal iya. Pia mega bala uchu ambu iya enggai tentu becheritaka pasal Unal Bulan laban mayuh utai ti enda tau disebut enggaika orang ti kena laban Unal Bulan ensiban ati laban cherita iya. Sampai ke pala Tuan Allan Lee ti dibunuh menantu Rentap(Layang) pan orang enggai madai dini alai iya, tang nya agi meruan kekitang disalai bala turun orang ti nampung/peturun Layang empu nyentuk ke sehari tu.
penulis cherita tu endang amat bias…cherita Unal Bulan pan mimit aja ti ditemu kita…komen aku pan di delete kita…nya kebuah kita enda nemu cherita Unal Bulan enggau silik, kita enda nemu cherita lama ke bendar tang semina nyidi utai ti ditulis Benedict Sandin kelia. Benedict Sandin ukai nya kaban belayan Unal Bulan…dini iya bengat nemu lebih agi ari peturun Unal Bulan empu cherita ti beltu enggau silik pasal Unal Bulan. Kita ga rugi!!
Manah amat enti jrita Unal Bulan nya ulih dikunsi bala mayuh ditu
Padahke meh jrita Unal BUlan tu. Dini alai pala Tuan Allan Lee nyak kini diatu? Tau madah diatu aku pelanaka. Lama amat udah sejarah tu.
Sapa agi manok sabong Libau Rentap kini?
Sapa manuk sabong Unal Bulan? Bisi ia ngau betempoh ba Sadok?
Bakani Unal bulih ensumbar ia Bulan?
Sapa ngibun pala Tuan Lee nyak diatu?
Nama kebuah sejarah tuai ok janting nadai di pansik.sapa peturun ya.diau ba dini.jasa ya agai perintah broke
Bc ka antara kita ka ditu nemu cerita jagu ngiru anak mensia lalu ditukar ngau duku ilang ka besisik sarung ya.nti kita bisi nemu cerita tu minta kita madah ka baka ni cerita nya.duku nya kelia ko cerita di empu sida peturun tunggkat ngau barat.diatu ilang nya agi diibun ba peturun ya ba banting lingga.aku kala ninga cerita tuk kelia maya agi mit ditusi niang aki. Tang nadai ntu ingat laban ka agi nembiak suba
Ba pelasan berapa iku bala unal mati.balau mati ba pelasan 132 iku.bala temengong tandok mati 130 iku.berapa iku bala unal ka kena bunuh cda ijau ba pelasan.
Ijau lang tu bisi dikaitke enggau orang ti ngepun ngau mungkal menua Banting Lingga,kati bisi kita nemu cherita tu ngau lebih dalam.Aku beguna ke ya kena ngaga assignment sejarah senentang enggau sejarah penubuhan kampung Banting.