Atur Sepil Jaku Iban.
Sistem tauka atur sepil jaku tu sigi endang enda statik, enda mati tang dinamik, idup lalu berubah nitihka pemansang bansa ka beempu jaku. Ambika banding, sistem sepil jaku English ka dikumbai udah tegap sereta standard pan ukai bepun ari jaku English tuchi tang ngena tauka nginjau leka jaku bukai di dunya tu. Baka nya mega atur sepil jaku Iban, mesti berubah lalu pengubah iya enda ulih nyeliahka atur sepil jaku Bahasa Melayu.
Tu ukai ketegal kitai nunda tauka niru sapa-sapa laban bansa Iban endang serumpun enggau bansa Melayu. Tu ukai ketegal kitai enda patriotik tauka enda angkunka jaku bansa diri.
Atur sepil jaku Iban tau dipeda ditu:
Palan Pengingat Kitai 
atur sepil nya ukai nitihka gaya / chara siti-siti leka jaku nya disebut. Ari bisi atur ke engkeman dia kitai sekayu Saraawak tu ulih begempung dlm jaku diri empu lebuh maya ke nulis surat / email etb ngagai pangan diri
laban industri muzik besai ia empu influence munyi ko jaku ribai mimit patut kitai deka ngena sepil ngau jaku iban ti betul….laban mayuh ukai bangsa iban jak ga belagu ngena jaku iban….ba d2 tau bc siti tuai tau apa munyi ko jaku melayu*negur* ambi ka ulih ngena sepil ngau jaku iban ka betul………
Iya, ambika banding baka leka lagu Runggu Ensing…………..
1….indu dara nyau nyeling-nyeling agi aku ga bujang tuai. Enti nitihka rurun jaku Iban ka betul, patut munyi tu …..indu dara nyau nyeling-nyeling taja aku tu bujang tuai.
2……enda ibuh digelar bujang Skrang. Enti nitihka rurun jaku Iban ka betul, patut munyi tu …. kapa enda digelar bujang Skrang tauka enda ngawa ga aku digelar bujang Skrang
Ukai ka nunjuk pemandai….tang mai kitai sama beratika.
Jako iban ulih dikemansang ke agi enti kitai nemu bida jako nitih ke ai siti-siti menua..enti sema’ kitai iban bisi persatuan ia ke mantau enda nyalah baka dewan bahasa dan pustaka, aku pecaya kitai iban ulih ngena siti aja ‘spelling” ke betul lalu ulih di kena ba sekula bagi subjek jako iban..
Kelimpah nya mega aku berati ke jako kitai iban udah mayuh teberunsa’ ketegal bala nembiak kitai diatu jarang bisi belajar jako iban di sekula..
Tambah mega subjek jako iban mina di ajar ba sekula ulu-ulu sungai tau ke majoriti pelajar ia iban aja..
bala penyanyi mega patut meri chunto ke betul dalam ngarang lagu ambi enda ngeliru ke bala peninga ambi ke enda nyimpang jauh ke bukai..
aku arap bala editor kitai iban ulih nyara’ ke penemu senentang ngau jako kitai iban nitih ke jako bagi bengkah2x ai@menua ambi ke enda mansut ke pengeliru dalam spell jako iban..laban nya meh kebuah ngasuh jako kitai iban kih amat di adu tau ke di tusun nitih ia ke patut..
Endang patut amat semua kita ke bc penuduk serta penemu pasal jaku Iban cara sebut baru enggau sebut lama tau di ubah awak sama ulih temu kitai dalam semua sitak Ai ari Lundu datai ka Lawas di menoa Sarawak, Malaysia. Aku enda mantah serta enda ulih mansut ka peneka diri ditu laban enggi aku empu endang ari Saribas/Kalaka dialect/Slang. Ke di temu aku, jaku serta asal sebut Jaku Dayak Iban iya nya endang bepun ari Dayak Iban Kumpang/Batang Ai.
Nya alai aku arap ka semua Modern Iban Language Specialist patut begulai serta nuduk ka siti penemu ke dikena kitai Dayak Iban di Malaysia standardized spelling and phonetic Language form serta spelling kitai, awak ka ulih serta di temu semua dialect grouping kitai baka, Dayak Iban Sebuyau, Remun, Kumpang/Btg Ai, Kalaka Saribas & Btg Rejang. Serta baka bala ke di Bintulu, Btg Baram, Limbang nya semua baru magang. Lalu baka kami di Limbang (Aku org Limbang) endang semua nitih ka penatai asal jaku diri baka enggi kami (Kalaka/Saribas).
It is my hope that this will become a reality one day.
Nya alai aku arap amat bala kitai Dayak Iban ke benung negmpung serta ngadu ka status and standardizing jaku kitai Dayak Iban, endang arap amat aku ka kita ulih ngadu ka semua utai tu nyadi a reality of the fact that we are wisshing and looking the way forward pasal pemanasng bansa kitai.
Bala ke landik-landik ba penemu jaku Iban nyau majak mayuh.Manah mehnya.Diatu udah mayuh penanggul senentang sepil jaku Iban udah ulih adu /putar.Anang saru kitai laban tuju ngadu tauka nyeruri atur sepil jaku Iban tu dikena ngaga atur sepil jaku Iban tu sebaka (standardize/uniform).Kebuah pia,laban pelajar jaku Iban nyau dipelajarka ba peringkat universiti.Anang mega kitai saru enti tepeda tauka tebachaka leka jaku Iban ke enda sebaka.Tu pengaya jaku.Chunto,leka jaku “empai” enggau “apin” ke sama ngundan reti leka jaku ke sebaka….”not yet” (English),”belum” (Melayu) lalu pia enggau ti bukai.Tu dikumbai “pengaya jaku”(sinonim).