Penatai Iban 2: Kaul antara penemu antropologi enggau Tembawai Bejuah.


Penatai Iban: Kaul antara  penemu antropologi enggau Tembawai Bejuah.

Ari penemu antropologi antara teori ka suah dikaitka enggau asal penatai bansa Iban iyanya pemindah etnik China ari menua   Yunan di Selatan China. Nitihka orang ka landik pasal penemu antropologi enggau sejarah mensia seraban bansa ari Yunan bepindah bebala mayuh tauka dalam grup ka mit-mit kiria-kira 3000-1500 SM (sebedau pengada Jesus). Sida tu tau dibagi ngagai dua grup:

  1. Sebagi ari sida tu neresa menua adap kitu (Asia Tenggara) datai ka Temasik (Singapura) enggau Semenanjung Tanah Melayu (Malaya), sebedau masuk ke Kalimantan.  Raban ka terengkah di serata menua Kalimantan tu meh dipelabaka nurunka raban bansa Dayak, nyengkaum kitai Iban.
  2. Sebagi agi raban sida tu datai ke Hainan (China), Taiwan enggau Philipine lalu nurunka suku raban bansa di menua nya.

H.T H. Fisher, pemansik antropologi ka landik pasal pemindah bansa-bansa di menua Asia madahka  pemepar raban mensia tu nyadi ba tingkat  keterubah maya zaman Tretier. Maya nya pulau Borneo agi bejantil enggau tanah besai Asia. Laban ka apin diserara tasik, nya alai  raban etnik mongoloid (China)  dipelabaka ari tanah besai Asia bejalai nengah darat  lalu datai di Pulau Borneo, kelebih agi di Kalimantan.

Di Kalimantan nyau ka semua sub etnik grup ibanik arapka aki ini sida kelia datai ari sebuah rumah panjai ka dikumbai Tembawai Bejuah (Iban) tauka Tampun Juah disebut sekeda raban dayak di Kalimantan Barat. Tampun Juah tu siti endur dalam menua Sanggau Batang Ketungau.

Ari Tembawai Bejuah, sida bejalai neresa menua bebukit ka diumbai tatai Muller-Schwaner ka diatu.  Ari ari bukit-bukit tu meh entigis ulu sungai ka besai-besai  nyadi entali ai serata menua  Kalimantan enggau Sarawak. Nyau ka lama, bala raban mensia tu tadi lalu pambar ngachir nitika ai sungai-sungai datai ke nanga lalu rembus di tasik .  Ari tu tadi sida iya lalu diau ba sebelah tebing sungai-sungai di menua tu.

Khmer Rouge/ Bansa Kemaru?

Ari pemayuh teori asal penatai Iban, siti teori  ka tau diperatika kitai dalam ka agi iya nya pasal pengenduh kitai Iban di menua Kemboja (Cambodia). Kenu ka teori tu kitai angkat ari menua Kemboja ketegalka charut enggau bansa Kemaru.  Kemaru tu dikaitka enggau   Khmer Rouge, iyanya Parti Keminis Cambodia ka bekuasa  ari taun  1975 ngagai taun 1979 suba, betuaika  Pol Pot, Leng Sary, Son Sen enggau Khieu Samphan.  Enti diperatika, nama Khmer Rouge semina ayan dalam taun 1975, sedangka sejarah kitai Iban jauh dulu ari nya.  Reti nya Khmer Rouge enda ulih dikaitka enggau penatai bansa kitai.  Tambah mega Khmer Rouge tu ukai bansa tang nama sebengkah parti politik.  Aki ini kitai nyangka amat kala ngenduh enda lama di Kemboja, tang nadai kaul enggau Khmer Rouge.

Enam bagi raban bansa dayak ka besai di Borneo  iyanya:

  1. Dayak Iban (enggau grup Ibanik) datai nyemerai ari Pulau Sumatera
  2. Dayak Kalimantan di Barat datai ari Pulau Sulawesi.
  3. Dayak Barito serata lebak Sungai Barito,, Kalimantan Selatan

Raban bansa dayak ka nyau ka sebaka ari segi jaku, adat enggau bansa Iban iyanya

  1. Dayak Mualang.
  2. Dayak Seberuang di Sintang.
  3. Dayak Kantu.
  4. Dayak Bugau.
  5. Dayak Desa, Sintang / Sekadau
  6. Dayak Embaloh (Batang Embaloh)

Raban Dayak di Borneo bisi ngundan  7  grup etnik ka besai, ari 7  grup nya bisi 82 bengkah ka mit lalu ari nga mechah ngagai 405 raban bansa ka mit-mit.  Bansa dayak ngembuan adat asal ka nyau ka sebaka.  Nama suku raban bansa dayak suah dikelala ari nama sungai enggau nama endur sida diau tauka nama tuai ka nurunka peturun sida iya.  Di Sarawak ari Lundu datai ke Belaga kitai Iban tau dikumbai siti etnik ka enda besuku-suku semina Remun enggau sekeda ka bukai bisi bida ba leka jaku tauka dialek enggau Iban bukai.

 

Kelia kitai nadai apin ngumbai diri bansa Iban.  Leka jaku Iban nya kena kita refer ngagai mensia tauka orang.  “Mayuh amat Iban di pasar sari tu”, reti nya; mayuh amat orang di pasar sari tu.    Diatu Iban, endang semina kena ngelala, iyanya bansa Iban aja.

Uji peda penyemak adat sereta jaku Iban enggau Dayak Desa:

1  Renung/Kana

Bansa Dayak Desa diau di beberapa endur (Kecamatan) di batang (Kabupaten) Sintang  tauka di Sekadau sama bansa Dayak Ketungau, Bugau enggau Mualang nyau ka sebaka jaku sereta adat enggau  bansa Dayak Iban enggau Kantu di Ulu Kapuas sereta mega enggau Iban di Sarawak.

Ditu kitai meda penyemaka tauka penyauh bida leka main, iyanya kana tauka renung bansa Dayak Desa enggau renung tauka kana kitai Iban. Leka kana apai Bangu ka beumur  58 tahun, di Terumbu, Kecamatan Kelam Permai, Kabupaten Sintang, Kalimantan, Indonesia.

Renung tauka kana ngitunng tembawai/Temawai/Menghitung Tembawang.  Kenu ka Apai Bangu tajapan orang nya landik berenung, enti iya apin balu/janda iya enda tau berenung.  Kelimpah ari nya enti udah berenung iya mali ngetu sengapa  enggaika semengat ka dalam renung nya ringat. Baka tu ka leka kana/renung Daya Desa:

“Temawai pepah lempa’ ubah, alai raja Segugah nempa’ tanah baru mesai buah mawang.

Angkat reia’ nguai temawai Kecit Iring Larit alai Raja Segugit nempa’ langit mesa’ lamar para’, angkat reria’ nguai temawai riran ulu tayan dia’ pengadai tuan Selutan, alai ia nempa’ bulan ngeluar pingan pelangka.


Angkat reia’ nguai temawai jenenyang ulu jentawang, dia’ pengadai lemamang bintang tiga, bintang randok baka dura, bintang tiga bilang uma.


Angkat reia’ nguai temawai trapaeh ulu kapuaeh tumaeh seperapaeh mata. Angkat retemawai titi ulu melawi dia’ upa’ malui krangan manti titi sari napan


….. Angkat reia’ nguai temawai tuai ulu merakai, dia’ pengadai cinta muga.

Angkat reia’ nguai temawai belenyut tebing laut, dia’ tanah mansut baru mesai tutup celepa’, baru ai’ bisik nanga, baru bisi’ riran  nanyan  kebanandan pala, munti’ baru bisi’ suti’ dua, baru bisi’ pantai alai nuba.


Dia’ ikan keli’ baru senini’ ngau ikan juara. Angkat reia’ ngui temawai  upam ribang capan, alai jugam agi’ ngesan tandan pisang. Reia’ angkat ketemawai ribang mungu’ sengang, dia’ munsang agi’ tauk nginang kandang manuok dara…”

2  Kanduok (sama enggau ensera Iban)

Kanduok (desa)  ensera ka berstruktur sekeda dinyanyi munyi renung,  jerita tentang  Kelieng, Kumang enggau ka bukai. Baka tu ka leka Kanduok dayak Desa tu:

“…belengai babi tali landai dedinga  Inaei rekumpai berendam , tepitu’ kema asasi  Inaei retanah tabai tu’ pampai bedesai uran…, ari mpai tengari ulantang siri kema Inaei bagi retanah betawi ka’ lesi maa….ti danyam, kema tepesan Inaei duan retanah taaa…yaa…an, putap repemangkap ikan keba repuntianak Inaei babi udak tali tengak maka sintak sabak lasedan, babi tali nyenyua lai ngemela ai’ mata mata dua tiga bereta bebinsan…, tapi dipuntan  mentawan

aku dibatu….rawan kema tepesan Inaei ngeruan retanah….tayan, ngerinsa mesepa  Laja besendam detan keda’lawi’ pendan  degengam tuan sa…pi…u…mpan, dekedang aja besapar lengan, baka sapar memuli tungal…., tungal  detan kejelayan kelawi’ bemban pemeran ngebau ketanah babi tali sawah sebelah u….ma…laya’ tebelengka’ mangka’ nguman rian telabuoh pusuoh nyur detandan…., dipi’ jaran betanduok tungal derinsa sepa laja besendam, detan kelandai menyalai mentan nadai tegisier kaki jempuli ni…pa..an, nipan…nyuruoh kitai kakat  da….ya…ap, nangan ka’ nambung sida’ dekebung ujan, pengitau Ijau duan ka’ ngesah detampah….bemban, meda’ uwie sega’ tebeluma’ lima’ enam, bedapan tujuh lapan  baka detipan ngau besi tajam putuoeh detangan sedal belawie’ leman, celaka kema derinya namban..

Kelimpah ari tu Dayak Desa mega bisi:

1.  Apai Aloi (pak Ali-Ali. (Iban: Ensera Apai Salui)

2.  Mantra (Iban: Puchau)

3.   Enselan (sama enggau enselan tauka ngenselan kitai Iban)

4. Timang Muanyik (Nimang Tapang /Manyi)

Ti muanyik nisik madu pecal ke tusu nyai ratu baka catu depajak kenyang.

Ti muanyik kak minteh tepeh ngau tapeh bidang betulang. Dara Remiya (Iban: Bunsu Rembia)

5. Ngerenung (Sama enggau sampi tauka biau Iban):

a.  Renung (sampi) enselan umai

b.  Renung turun ngemak (meri anak mandi),

c.  Renung ngapeh pentiek (maya nanam pentik penanya dalam adat Iban).

d.  Renung tusut (sama enggau tusut Iban tang nyangka lain chara tauka maya ngena

Lagu bansa Muallang endang enda jauh bida tiun enggau leka enggau lagu kitai Iban

7 responses

  1. MABNangaTelik | Reply

    Tang taja pia, dalam Bible tauka al Quran nadai kala nyebut benua Tanah Besai Asia nyengkaun China bejantil enggau tanah menua Asia Tenggara, retinya aki ini ka nurunka kitai Iban nyang ukai semina pindah bedarat tang bisi merau meraka tasik.

  2. siti agi ka narit ati aku senentang temadun mayan ba amerika latin,enti dibanding pengidup sida sama baka bansa dayak besirat nguan kampong jerong..temadun mayan tu jarang tauka enda dipansik ba sejarah…ba penemu aku.kitai bansa dayak keterubah endang diau ba menua nya kelia…engka bisi carut ka besai bebunuh sama bansa ba menua nya..ngujungka bansa dayak ngacir pindah ba macam bengkah menua…pengarap mayan pagan tu pan jarang di sebut ba bibe tauka al quraan..keni ba penemu nuan..siti ag sida endang bansa asal menua nya..

  3. salam kenal! saya orang dayak kenyah.saya bertanya-tanya sama orang tua saya,ternyata benar dayak adalah suku dari china selatan tepatnya yunnan. datuk saya masih menyimpan kalung manik-manik kenyah bertuliskan kanji cina dan gelang (bening) juga ada kanji china tapi sekarang sudah dipajang di museum di belanda.suku dai di yunnan adalah saudara suku dayak atau daia bahkan cara memasak dan makanannya pun sama saja.nama marga keluarga saya adalah Tjau,nenek saya marganya Lun dan sepupu saya bermarga Li. kakek buyut saya bernama Abo Tjau.jadi itulah fakta yg saya baru tahu.

  4. Galau Perawan | Reply

    Unggal,

    Enda setuju amat aku nuan ke ngaul Khemar Rouge enggau Parti Kominis. KR tu sigi udah lama nyadi. Menoa KR tu ke bendar iyanya menoa Siam (Thailand & Kombuja). Keba sampai ka seharitu Kombuja agi ngambu Thailand nya sebengkah ari menoa sida tungkah raja sida belaban diri-sama diri ke ke ngujung ke menoa Siam pechah nyadi Thailand & Kombuja.

    Enti nuan bisi nemuai ngagai Angkor Wat & Tom, dia kitai merati ka olah orang dia nyauka sebaka baka adat kitai Dayak. Aku udah ke Yunnan, Taiwan, Minangkabau, Angkor Wat, Thinh Nguyen, Vietnam, Paliku Laos, Orang Asli deka meda utai din dibanding enggau kitai ditu. Semina ba Indo China ke semak amat enmggau adat basa kitai.

    Nyadi nitih ka pansik enggau genetic nyauka 60% darah kitai Dayak nyauka sama enggau orang Bukit Indo China. Semina 20-30% aja ari menoa Indonesia & Malaya.

  5. Arap ke Ungal gayu guru, gerai nyamai ngau lantang belama.
    Terimakasih ungal, udah mansut ke randau ngau buah main urang Desa ari Residen Sintang. Aku segi bersetuju ngau ungal, labannya aku dalam thun 2000 suba’ aku ngaga’ pengawak mansik ke adat budaya kitai Dayak di menua Sintang, ti ungal pansut ke ba’ artikel to.

    Aku pan udah bejalai datai ke temawai Tampun Juah. Temawai ti pemadu kitai begulai ngau sidak sebuah kana. Temai atamoun juah to, ba Desa Segumun, DO Sekayam, residen Sanggau Indonesia, enda’ jauh ari sempadan Entikong Ngau Tebedu, Malaysia. Enti ngena kereta ari Serian, ulih datai dalam 1 jam aja.

    Datai ke maya ari to, kitai iban agik bisi betanam betupik di Tampun juah. Enti ngilik aik sungai sekayam, ari DO Sekayam , di ulih datai ke menoa Sanggau. Enda jauh ari muara sungai Sekayam nya, bisi Sungai mit. namanya Sungai Kantuk. Jako urang tuai Kantuk di Kapuas Hulu, sidak sigi berasal ari sungai Kantuk nya.

    Diari to, aku agik mansik pemayoh urang Iban ba Indonesia…, Enti Ungal bisi sembarang Maklumat pasal kitai ban. Ungal tauk contact aku ba email: wisnupamungkas@gmail.com

    Tabik
    Mering
    Iban blogger n Pengkaji from West Borneo

  6. Galau Perawan | Reply

    Maioh kitai besebut ka bansa kemarau tu iya nya bala Pol Pot ke jai ba Kombuja. Jako tu salah amat, laban bansa kemarau tu sigi udah lama ngibun menoa kombuja, sebedau Pol Pot tu nyadi ketuai Khmer Rouge. Pol Pot siko ketuai bansa kemarau ke belajar ba menoa France ke numbuh ka adat komunis menoa kombuja ke dikumbai iya Khmer Rouge dalam tahun 1968. Sida tu seraban penganas komunis ke disokong Vietnam Utara. Sida ngerampas kuasa raja kemarau lalu merintah kombuja ari tahun 1975 ngagai 1978. Dalam tahun 1979, sida dialahka soldadu raja baru lalu ngujung ka gerempong Khemer Rouge dibubar. Ketuai sida kena tangkap laban maioh udah munuh orang sengapa nadai penyalah.

    Khmer tu reti iya bansa kemarau. Khmer Rouge reti nya seraban penganas bansa kemarau ke betuai ka Pol-Pot. Ditu bala maioh anang salah sara. Ba sejarah menoa Kombuja pan, bansa kemarau tu sigi udah lama bisi. Bansa nya sigi udah nyadi jauh dulu ari perintah Pol Pot. Penyarut bekayau ka bansa asal ba Kombuja sigi udah lama nyadi dikerja bala perintah Kombuja tauka bansa kemarau, ukai semina maia Pol-Pot tauka Khmer Rouge. Ketuai Khmer Rouge ke bukai iyanya baka Nuon Chea, Leng Sary, Son Sen enggau Khieu Samphan.

    Penyarut ba menoa Asia, Indochina, China bisi nyadi lebuh maia perintah Mongolia, ke betuai ka Ganghis Khan ke ngayau lalu ngalah ka bala bansa ke diau ba menoa Asia nyengkaum Kombuja. Udah sida alah diserang Mongolia, bala raja bansa kemarau tu nanah ka bala Mongolia lalu nyerang bansa asal menoa nya dia. Utai tu nyadi sebedau Po-Pot. Agi ga raja bansa kemarau tu sigi udah lama bekayau ka bansa asal di Kombuja sebedau perintah Mongolia datai. Nyadi tu terang amat madah ka Iban ke datai ari Kombuja ukai rari diserang bala Khmer Rouge tauka bala Pol-Pot tang kena serang bansa kemarau ke dulu arinya.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: