TUSUT
Lambar tu alai mantai lalu bejuraika tusut enggau penatai Iban. Tuju iya ngambika kitai meratika sekeda tusut Iban ka bisi ditemu aku, tauka dibantaika oleh sapa-sapa ka rinduka tusut. Tusut tu endang sigi utai ka betul, enti nadai sida aki ini kitai ka dulu bakani ka kitai tau bisi.
Sekeda tusut endang bisi nyelai ari segi nama tuai-tuai ka dulu, pelaba aku tu digaga tukang tusut ngambika nyamai dikingatka. Baka Sepatu pejuru buban, ulop selampur banan bebini ngambi Dayang Bangi ka betangi ngayung langit. Pelaba aku iya ka bendar nama seduai iya Sepatu enggau Dayang Bangi. Baka nya mega tusut tu enda tau dikumbai salah, kelebih agi ba berapa peturun ka jauh dulu. ba senentang tu, tusut tau dikumbai nyelai tauka bebida ari tusut orang mayuh. Tang, enti ba peturun ka udah mabu, baka ba tiga, empat ngagai lima peturun, enti salah, tusutnya ukai nyelai tang salah.
PENATAI
Baka ka ditemu, kitai Iban datai di menua Sarawak bebala mayuh belabuh ari taun 1540-an sebedau tu aki ini kitai dipelabaka diau di Batang Kapuas, Kalimantan Barat. Dulu ari nya, aki ini kitai dipelabaka pindah bedarat ari menua Yunan di China lalu pechah ke Taiwan, Sumatera, Malaya lalu ke Kalimantan lalu melunggang ke Sarawak. Kenang pasal tu ka dipanjaika agi.
Lambar ka bekaul enggau tu:
Palan Pengingat Kitai 