Asaika meda cerita Hindustan


N34 KRIAN: Enda nyalah-nyalah baka cerita Hindustan

1980-an – maya ari Minggu, bala anembiak sekula nyau berintun ngemai beg niti jalai tanah kuning.  Sida enda bekasut tauka beselipar, enggaika kasut tauka selipar kamah datai di ujung jalai lagi.  Bala apai indai ransing ati laban enda ibuh bedarat nengah Bukit Sungkup enggau Tinting Kelalis, ke Kaki Wong sebedau meda Pasar Saratok. Maju meh menua.

1983- Rayat Krian ransing laban PBDS pechah ari SNAP lalu menang mayuh kerusi maya bepilih taun nya, tang deh enda mukai-mukai Jerita Ming Court lalu nyadi dalam taun 1987, maya nya aku Pom 5. Jalai raya Ulu Krian endang udah tembu maya.  Dalam pengawa bepilih 1987 SNAP enggau PBDS bela berebutka penuduk N34 Krian ngujungka mayuh rumah panjai pechah.  Bisi kedua iya pechah nyadi 2-3 buah rumah.

1991- PBDS alah (taja pan besai ati ngelancarka Projek Ketua Menteri Sarawak 1992), laban ka nyadi penyakal, bala rayat diemba madahka sekula ka tutup enti enda ngundi perintah.  Baka cerita Hindustan bos Orang Jai menang dulu.  Bala staring merinsa dulu, ditipu, dikemulaka dataika aBis kayu kampung Ulu Krian diambi.  Batu kerangan mega dikerumbak.  Sapa di belakang pengawa tu? Ni tunga wakil enda nagang pengawa tu.  Selama jemah udah enda kala meda tugung kayu balak, tau tak bisi sebelah-belah tisi jalai.  Sapa ka gentung perut, laban bulih lisin kayu.

1996- Penggal kedua SNAP (SPDP apin bisi-bedau pecah ari SNAP) megai Krian, nadai ubah ba pengidup rayat.  Jalai raya ka jai enggau elektrik endang seruran ka umpan kena ngenakutka rayat.  Bala staring mayuh udah mati lalu enda sempat ngasaika jalai alun ka manah sereta ngasaika bisi elektrik.  Enda ngawa staring mati, bala anak agi bisi nyadi ka ganti

2001-Penggal ketiga SPDP megai Krian, agi ga bala staring merinsa. Jalai ulu Krian agi ga bakanya, SALCRA pan nadai ga mai penyamai ngagai seluruh rayat.  Bos orang jai lalu enggai ngelepaska penuduk iya, tambah mega rayat enda nemu sapa patut nganti iya, laban nadai kala ngelatih bala penganti.

2006 – Penggal keempat SPDP agi megai Krian.  Nyau beganti nama parti, agi ga enda tebaika pemansang ngagai menua kami.

2011- Bala staring nyau enda liat agi ati laban udah lebih 20 taun tu udah ditipu Bos Orang Jai. Lapa deh tak gisai-gisai iya alah.  Duit amat mayuh, kaya iya, tang iya dikingatka bala ucu icit rakyat Ulu Krian penipu besai menua Saratok.  Taja pan rayat mengkang merinsa usah tu ila, tang sida iya senyum dalam ati din……  lalu enda ulih ditipu orang politik agi udah tu ila,… Endang baka jerita Hindustan, staring sigi menang dudi.

Selamat betemu baru ba Bepilih Besai Parlimen TU ANGAT AGI ILA, ANANG UDU NYABUNG, enggau PRU Sarawak ke-11 2016.  BADU AGI BULA KA KAMI RAYAT ULU KRIAN. ENDA NGAWA IDUP MERINSA, UDAH TELEBA MERINSA….AMAT MEH ANANG NIPU ENGGAU NGEMELIKA, NGGEMULAKA KAMI.  MINTA AMPUN LABAN ENDA ULIH ENGGAU NGUNDI KA SEKALI TU…..AMEEN

One response

  1. sge baka nya meh staring deh……….

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: