Bala raban PKR ka ke Nanga Telik pagila


KUALA LUMPUR-13 /3/2011- Baru udah nerima berita madahka bala raban PKR ka datai ngagai Rumah Kayan, Nanga Telik pagila.  Nitihka berita ka apin tentu terang Iban ari Nanga Budu, ka dipelaba deka bediri ngelaban YB ka lama mega antara bala PKR ka dijangka bisi datai.  Ari jauh tu aku aku meragam baka ni enda gaya kitai serumah nyambut penatai sida tu laban ba pengawa bepilih ka udah-udah kitai serumah nadai kala ngasaka ati parti perintah.  Aku enggai melaba ka berita sengapa laban jauh ditu enda meda nama utai nyadi.  Nya alai, udah penemuai sida tu ila tau ga ngirumka berita ngagai blog Iban Universal tu.

YB veteran agi ka ngarika DUN Krian.

Nambahka nya, ari berita ka selebubu ngapa, bisi madahka YB ka diatu agi mengkang ka nanka penuduk iya.  Nyangka apin tembu ati mai pemansang ngagai rakyat Ulu Krian tauka bisi juluk ati bukai kini, tang bisi mega berita madahka iya ka diganti orang bukai ari Parti SPDP, kitai di Ulu Krian mega. Nama pengelebih sida tu ila, enti dibanding enggau YB ka diatu?

Sapa-sapa pengari kitai Ulu Krian?

  1. Kala kita meda sida tu ngetu tauka bejalai ngagai rumah kitai sebedau tu.  Maya rabat/nyengai antu tauka pengawa bukai?
  2. Kala sida tu nanya kitai serumah maya ka bepansa ba pasar Saratok.  Kala mai ngirup tauka kala meda sida tu ngayanka diri sebedau tu?
  3. Nemu sida tu kitai serumah bisi penanggul ba ai paip 10 taun tu udah?

YB Krian silih beganti.

YB silih beganti, tang bedau ga pendiau sekeda kitai baka ka suba.  Pengawa bepilih ka sekali tu nyangka enda jauh bida ari taun-taun ka udah.  Pekara ka dibantaika dalam kimpin nyangka agi hal jalai raya ka lama udah enda ditar, elektrik ka baka ka udah ka datai tang nadai temu semaya ni maya rayat Ulu Krian ensepi penyamai bisi elektrik. Pia mega, di Nanga Telik empu penusah ketegal nadai ai paip ka meruan lama amat udah besarang dalam runding kitai serumah.

Kelimpah ari pekara nya tadi, pekara pasal penatai pemisi rakyat Ulu Krian enggau Skim SALCRA ka enda mai penguntung ngagai rakyat mega dipelabaka antara pekara ka kena sebut dalam kimpin tu ila.

Kena ngujungka jaku, ari jauh tu aku meri selamat nerima penatai sida tu lalu berandau meh enggau manah, anang nyeruga politik ka dalam-dalam, perundingka pendiau enggau pengidup kitai ka dudi ari ila. Mupuk aku.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: