Rayat Ulu Krian udah ngasaika penyamai bisi karan.


Tiang enggau tali api ari pun jalai

ULU KRIAN- 12 Okt 2010– Baru udah nerima pesan pandak (SMS) ari siku kaban.  Iya madahka tiang api bisi udah dipeda degi-degi nisi jalai Ulu Krian. Kenu ka sekeda orang ka bisi mansutka jaku, tiang api nya “ginti perintah BN” kena napi pengawa bepilih besai menua Sarawak ka ka nyadi enda lama agi.  Berita ka bukai, iya madahka bisi orang Ulu Krian udah belabuh kimpin ka bediri ngelaban pengari BN ka udah beberapa penggal ngarika DUN Krian.  Setiap kali maya bepilih besai jalai raya  enggau api sereta pemansang bukai endang nyadika danji bala sida ka minta pilih, tang kenyau ari taun 1980 an suba dataika diatu apin meh jalai raya, letrik enggau pemansang bukai bisi diasaika mensia mayuh di Ulu Krian. Beberapa taun ka udah lalu SALCRA ngerembaika skim sabun (sawit) ke menua Krian Ulu tang projek nya nadai ngemai penguntung ngagai orang mayuh.

Jalai Ulu Krian 5km Keterubah ari simpang

Dalam pengelama 10 taun tu ka udah, ninting maya ka bepilih besai Jalai Ulu Krian ditar semina beberapa kilometer aja ari nanga jalai. Udah nya nganti maya ka ka bepilih baru, baru ngetar semina beberapa kliometer aja.


41 responses

  1. aku nyukung amat penemu nuan..

  2. dom lubok petai | Reply

    Aku pulai Sarinya….30 hb 1…diatu semua simpang ke dlm rumah2 panjai dah d entak ke tiang 2-3 iti sampai depan rumah.

    semak amat ginti pasang sida BN

    1. Bujang Rungu ensing | Reply

      Jalai ti manah ba semenanjung jampat serta manah nya ukai digaga ngena duit perintah tang syarikat swasta sapa orang ti nengah nya tiap ari nya meh orang ti mayar utang kena mulai ka duit nya baru.
      Uji enti sema GRAND SAGA SDN BHD ti selalu ngaga jalai ba semenanjung ngaga jalai betingkat begembar enggau jalai batu projek BN nya enti dipilihjalai batu BN nya ditengah kita nama kebuah laban kita enda tan mayar utang ba TOL tiap ari .
      Uji kitai meda maioh orang semenanjung maioh orang nengah jalai ti enda manah laban ngelaong enggai mayar utang jalai tiap ari enti gaji enda berapa besai nadai untong nengah jalai nya tiap ari.Kedua enti sema BN ngaga jematan papan begembar enggau jematan lanang jematan papan nya ditengah orang laban nadai dibayar.Lebih agi enti bekerja mansa nya tiap ari.Tang syarikat ti ngaga jalai ukai orang ti paloi ia ka meda berapa pemaioh kereta ti nengah nya setiap jam siang tauka malam.
      Pasal tanah ba semenanjung rm 12.50 se htr dibayar tiap taun . Uji enti sarawak diperintah parti semenanjung RM 12 .50 nyakali enggau pemesai tanah NCR kita ti bepala nya nya meh penyampau utang cukai dibayar kita tiap taun baka orang ti meli tanah diri empu enda nemu ambis seagi tanah nya bisi dia.
      Aku ukai apa baka idung entara mata baka dilah entara nyawa engai enda madah ngambi ka kitai sama bekunsi ka penemu.

  3. Sama-sama meh kitai bela nyingkang ke mua nitih ke arus pemansang menua bukai.Badu agi kitai meri peluang ngagai pengari BN ti enda ulih ngankat ke pendiau rayat di menua batang kerian ke semina diuan lebih kurang 11000 orang mensia aja.lengak ke ulih kitai pengari ke neda bebendar nyukung nulong kitai rayat Batang Krian enggau Batang Kabo.Pilih meh pengari baru ke deka nyaup mutar ke penusah kitai di batang krian/batang kabo ditu.

    1. Bakani BN meri enti kita enggai diberi BN ngena duit rayat.Manah agi kita minta ari orang ti sama rayat.Minta ari YB ti ngena duit rega lada rega getah iya empu.
      Enda berasai kitai bejako baka orang makai mutah diri empu laban nadai bepikir duli sebedau mansut ka jako..

  4. Thanks for YB Ali Biju, who lead the poll at Batang KrianN34.Greats to heard thats you win on this state election 10.Hope you will be the one who able to bring up Krian peoples the greats live.We want to fill the enjoyable when you lead saratok just now.

    Ali Biju, you are the best among the best…idup iban saratok…idup iban saratok..idup PKR!!!idup PKR..

    1. anak simpang pangka | Reply

      thanks much to anak simpang kabo for u comment

  5. Ngambike ke kitai semua bela nemu wai, tiang api ke bisi dipeda kitai dalam gambar nya semina nyadi ke umpan dikena nginti ati kitai rayat bansa iban ke bisi nguan menua ba sepemanjai batang krian.Tang sepengudah perintah menua ke diketuai BN lalu dipegai YB Nyarok ba sitak N34 tu,belabuh ari 1980an enti enda salah ingat aku, lalu nadai pemansang ti nyadi.Menua org bukai udah lama nyepi penyamai baka bisi api letrik, ai beresi sereta enggau jalai alun.kitai di batang krian tu agi idup merinsa di bai YB kitai ianya pengari BN Nyarok.
    Diatu kitai dipegai YB baru ianya YB Ali Biju ari Nanga Budu, arapke iya ulih nukar curak gaia idup kitai di batang krian enggau kabo nyadi lebih mansang sereta rayat ulih ngasai ke pemansang baka ti udah disepi org bukai.iya ti paling penting bagi penuduk di batang krian ianya, jalai alun ti betar, api letrik ba segenap rumah panjai, serta ai paip ti beresi.

    1. Bujang Rungu ensing | Reply

      Enti diberi enggai kena umpan enti enda diberi madah nadai kala diberi umpan.Anak ti besekula tiap ari mega makai umpan betaun taun ba sekula enti dikira sebelas taun kali enggau rm 8.00 sari nya meh penyampau umpan ti dempa anak ba sekula.
      empa umpan kaban anang malu malu taja jako udah telanjur.

  6. welcome to our new YB for N34 Yb Ali Biju.Congratulate for the greats support from our poeples in batang krian for you to take the N34 seat from BN Nyarok.Hope you will bring the new face for batang krian and saratok generaly.

    anaksimpangkabo

  7. Nanga Dara / Upper Grenjang | Reply

    Taniah ka YB Ali Biju ke baru udah di pilih maia election tu tadi,Arap ka nuan ulih gawa ka rayat,enggau bebendar sereta ulih nukar chura pengidup enggau pemansang kitai ba sitak Krian ditu, Kami tetap ari belakang nuan.

    Thanks.
    Ari menua tasik biru.

    1. Kitai empu ti patut ngubah pengidup .Enti enda nemu nanya orang bakani ngepun ka pengawa ngambi ka kitai bisi pemansut tiap tiap bulan.
      Orang cina semuna nupi babi ulih meli banglo taja tanah enggau kos ulih ngutang tang nama kebuah kitai enda ulih
      Orang ti pintar baka orang ti milih mata ginti ari ti milih ikan ti udah dalam periuk.

  8. Amat nya unggal , kami di Batang Budu pan sama bakanya. Tang diatu kitai anang kiruh ka pasal cerita nya. Kitai mesti nemu , projek tiang api elektrik tu nadai besangkut-paut enggau YB lebih-lebih agi YB ti lama ( Nyaruk ). Ia udah alah bepilih taun tu tadi. Ia berasai malu laban orang ti ngalahka ia nya orang ti jauh lebih biak ari ia , lalu nadai kala berandau ka pasal politik. Tang nama kebuah rakyat enda pecaya ka ia agi , laban ia KELALU BULA , BANGGAR !!!

    Kitai bisi ninga jako emba ia suba , enti kita enda ngundi BN ko ia , kita enda dipasangka api. Tai cirit ia nya !!

    Projek masang tiang api tu udah ditender orang ngagai company. Enti company nya enda ngereja pengawa tu , sida ia rugi.

    Aram kitai rakyat N 34 Krian , sama-sama nyukung YB Ali Biju , laban ia tetap meri janji nitih ka udah dipadahka dalam 5 JANJI UTAMA PKR.

    IDUP IBAN KRIAN / BUDU / AWIK / SEBELAK / ENGGAU SEMUA KITAI DI N 34 KRIAN.

    Enti bisi ari lalu meh ngagai office PKR di Saratok , kitai sama-sama berandauka pasal pemansang , lebih-lebih agi pemansang nembiak sekula.

    Nya aja ari aku.

  9. Kitai di batang krian/budu/kabo/awik/sebelak sereta enggau semua raban iban kebisi sama enggau nguan menua N34 tu bela meri sukung ngagai YB baru kitai ari PKR ianya Ali Biju ia ti dipau ke ulih rayat dimenua kitai ditu nyadi menteri megai batang krian.Ngarapke ia enda ngelebu ka kitai simenua din meh.anang ngasuh BN ngapil agi kitai di menua pegai N34 tu..aku nesau bala kitai semua ti bisi enggau berandau ba side tu sama bela nyukung YB Ali Biju enggau bebendar, ngambike iya dudi ari ila ulih ngemenuh ke janji deka nukar cura pengidup, sereta nabur ke pemansang ngagai menua kabo/krian/budu enggau endur bukai.

    Pia mega ngagai YB Ali Biju, sepengudah nuan ke menang ba pengawa bepilih menua ti Ke 10, anang enda datai ngabas bala sekali sekala ngambike nuan terus nemu baka ni gaia pemansang kitai naka ke diatu.betemu enggau semua bala raban iban ti udah nyukung nuan ti ngasuh nuan nyadi ke pengari baru megai rayat ba sitak N34 tu..bekerja enggau bebendar dalam ngemansang ke menua kitai.congratulate MR YB ali Biju..

    We all support you till the end..PKR Alive..PKR Alive..

    1. Sapa orang ulih ngubah pengidup kitai kaban enti ukai kitai empu. Opang pi pintar baka orang ti milih benih padi tang orang ti paloi milih asi ti udah dalam periuk.

  10. pasun mangah | Reply

    aku orang ng AWAS mri tq,laban ka udah besaup numbang ba menteri manok.
    Gaga ati aku.Sanggup aku terebai ari semenanjung laban ka numbang ka menteri manok.

    ENTI KITAI ENDA NGERIJAT NADAI ORANG PEDULI KA KITAI.
    Baka nya mega dalam politik nadai orang mri kitai ti kitai baka empelekung.
    tu baru melut mata menteri ak manok.sepi asai d AKI.
    enda tulah aku enda ngundi aki diri.

    1. RAJA ULU KUP | Reply

      Aku orang Ng.AWAS amat dah laun, tp meri congratulation ngagai YB baru kitai,Mr Ali Biju.Uji kitai merati jauh ukai reti nda rindu ka perintah ke udah udah munyi ko org tuai..ku sempama kitai ditelan mati apai dilua pan mati indai nyamai ngambi jalai engka ngica bc berubah ari ke udah.Laban sepanjai aku tu udah enseput udah idup ngelala mda dunya…nadai nemu ni pemansang ba menua kitai Krian lebih agi kitai jauh di Ulu din.Jalai ba nanga amat manah tp nt ngelebus ari Simpang Kawang…mina ke ulih kena laban ndang semampai bakanya ari lebih 20 taun ke udah.Ka madah salah perintah ke megai…enda patut ga,,,NAMA KEBUAH MENUA BUKAI ULIH MANSANG?Sama meh kitai tu tanah menua Sarawak…Ngagai YB baru,jadi meh wakil rakyat ti nulung berunding ke pemansang rakyat lalu ukai semina jadi WAKIL RAKYAT.Jenguk menua selalu..anang mina pansut mina maya bepilih aja…runding nama kebuah rakyah milih…

      1. Ya….kelalu laun, mayuh bala orang tuai enda sempat ngasaika bisi kuasa karan…

  11. Ngarap ka kitai bisi api electrik taun tu, anang tak asa meda tiang nyau degi degi ngapa enda di idup.

  12. Nadai milih sapa megai perintah, arap ke iya ti udah dipilih nguto ke semaia nitih ke ti udah ditulis dalam Manifesto sebedau bepilih suba.

  13. Richard mrikan | Reply

    Kitai anembiak rebak baru patut nyukung pangari kitai YB. Ali BIju. Anang alah laban penipu “BN”.

  14. Nemu kitai semua tanah temuda rimba kitai nyengkaum kampung tuai pulau galau udah di kalih ka perintah BN(betuai ka Taip Mamut)nyadi state land? Ooooo anang tua agi arap ke ulu Awas, Ulu krian, ulu Batang ulu Grenjang, Ulu Pilai, ulu Telik, ulu Puak agi menua kitai baka kelia…Diatu opis tanah & penyukat majak mujok kitai rumah panjai batang krian minta tanah kitai di sukat ngena ator perimeter survey. Nama pengujong udah disukat? Bisi ka tua ngemata ka ba opis Land Survey din ba section ni perintah ngengkah ka tanah kitai? Enti engkah sida ba section 6(3) abis lah kitai. Sapa ke ngemandor sida ngadu ke nya ba opis sida din. Enggau chara automatic tanah temuda tua lalu jadi state land. Udah jadi state land lalu jual Taip Mamut ngagai kompeni ladang ke kaya2 rega beratus juta ti enda maioh agi. Tak tekenyit tua meda lipan guro2 datai nulak sampai ujong bilik rumah tua. Nyaah…………tiap pelusuk sukut menua sarawak utai tu nyadi diatu.

    Aku enda sekula ukai orang pandai ukai orang pintar. Tang aku ninga ari radio Free Sarawak berita tu tiap lemai. Peda Ulu Kabo, area Selambong, Entebu, Bajau. Udah kena magang diatu. Menua Bintulu, Tatau, Limbang, Miri, Kapit, Julau, Simunjan, Balai Ringin……eh maioh agi, nadai ulih rintai. Tiap lemai ba radio free Sarawak mensia kaung2 madah ka menua diri abis renchah ladang sawit kroni2 Taip Mamut.

    Nyaalai simpul ngena jako pandak, ubah meh pikir runding kitai ai Krian kelebih agi kitai ke muak ari ulu agi tu. Takut ke tua jadi kampar ba menua diri empu. Tanah alai bira pan nadai agi. Ti jual tua empu baik agi, tua bisi ngasai ke diri empu makai rega ia. Anang kitai jadi apai salie, nyu china laut ke beladang ba tanah tua ila. Nyu orang Indonesia ke gaga bekerja dia.

    Siti aja jalai kena nyeliah ke pekara tu, undi kitai calon ari Pakatan Rakyat bepilih parliament tu ila. Apabila Pakatan Rakyat chukup raban dalam parliament kena ngerampas tampok perintah di Petrajaya nya baru perintah ke baru tu ulih ngubah ni undang2 tanah ke udah digaga perinta BN ke diatu. Undang2 baka section 6(3) ke dikena sida Taip Mamut diatu berampas ke tanah di Sarawak tu.

    Aku tekenyit bendar maia aku datai di menua laban lama di Johor ngelamatu. Peda aku kerangan pan nadai agi ba pendaie abis jual sida pengulu ko orang. Kayu balak pan nyu bisi ga diambi kompeni sebelah ili nanga Telik dia nuju ka ulu Puak ulu Pilai kin. Majak ulah perintah BN. Semua ngenusah magang. Siti nyelaie bendar peda aku baru datai menua krian tu kemari, ianya pengajar bansa laut ari Malaya maioh bendar sebelah skula di menua ulu. Undang2 ke nagang orang Malaya bekerja di Sarawak nyu enda dikena perintah agi, mupok ka dibalut2 ka perintah magang danji kitai Sarawak mula2 masuk Malaysia taun ’63 suba. Nadai nemu ngajar ka kitai ke empu menua ditu alai perintah ngasor ke sida pengajar ari Malaya ngemenuh ka sekula menua kitai. Sida dinga aku ukai mina ngajar ABC 123 ngagai nembiak kitai Iban. Ngajar chara pengidup Islam ulah sida tu. Bisi nembiak siko nusoi cikgu laut iya ngasuh makai enda tau ngena jari kiba, najis kutor jari kiba ko cikgu nya ko ia. Kitai Iban nadai bira ngerebuk lubang tugoi ngena jari kiba enti udah bira, laut ni enda kenya – endang pelajar aki ini sida. Engkilo ngena kayu kitai, ngena kretas ka. Nadai kala ngeruk burit baka sida.
    Sida laut k kutor!

    Nyadi taja tubuh aku jarang di menua diri empu tang ati aku endang selalu di menua Maras menua Telik laban sigi asal menua alai ada, tanah kebun meruan baka menya. Taja aku enda enggau orang berumah panjai aku bisi belangkau ba menua tanah aku empu alai aku datai maia belelak datai ari nengeri. Taja langkau arau aku dia enda manah tang ati lantang laban endang pendiau pengkalan diri empu, ukai numpang ukai nyemilik orang. Kadang2 aku 2 3 bulan aja dia, pulai ga ke nengeri baru, nitih ke periuk nitih ke genuk munyi ko orang. Kurang lebih macham jungle survivor pendiau aku ba kebun aku dia, ba menua kumbai orang Lempa Mulong, ari ulu Nanga Maras mimit.

    Kira ka pandak meh jako, anang enda ngubah runding kitai rebak baru, TUMBANG KA PERINTAH BN, UNDI KEADILAN TAUKA PAKATAN RAKYAT maia bepilih ke 13 tu lagi…………..

    1. APai saloi moden | Reply

      Ambi aja duit pkr tang anang ngundi awak ka baka orang ti ngenggam ribut. Tan ka sarawak ngambi ka kitai enda berutang mayar cukai seumur idup.

  15. TR unding sungai jirak kabo | Reply

    Tuai Rumah Unding Sungai Jirak Kabo Saratok.

    aku ngari ka kami serumah meri besai terima kasih ngai YB Ali Biju laban ka mauh bendar nulung kami ka ngaga rumah baru, sepengudah k angus.. ngarap k kitai tetap nyukung YB kitai tu.. awak ka meri pemansang ngai kitai ba menua N34 krian.

  16. anak jati kabo | Reply

    selamat betemu baru ngagai semuo bala kaban belayan ti diau di batang kabo, kerian ,
    awik,sebetan ,ba penemu aku sigi patut kitai nyukong yb ali biju ,nama kebuah pio laban semuo tanah ncr kitai nadai agi diatu udah genggam pelita,tau pegai pelita.arap ka semuo kitai ngetan ka tanah adat asal kitai,kitai bansa meh orang kai maioh reta tanah, tang kitai tau kai di kumbai orang nyadi bansa merinsa ba menuo diri empu,diatu aku empu pan enda nemu baka ni bala anak uchu kitai ila.tang ba tubuh kitai agi olih idup laban kitai agi kerja,tang kada bala anak kitai bisi kerja ,mesti sida deka pulai ngagai rumah panjai,dia sida deka bekebun betanam betupi baka orang bukai mega.ingat laban batang kabo semuo tanah nya di kumbai ncr magang,baka ni ka kerajaan ngumbai nya state land,aku arap ka yb n34 kerian,yb p205 saratok oleh nan ka tanah adat bansa kitai.aku sigi penyukong kuat bn tang diatu aku meda pengawa ulah taib nyau majak ngemedis bansa iban,aram meh kitai bersatu.nya aja ari aku wellson m.anak jati kabo

  17. ngarap ke menua tungga kin makin mansang ari segi karan,ai,serta bantu ti sebaka ba negeri tauka ba bandar,ngarap ka YB kitai ulih ngemansang ka menua kitai gau teratur serta sama tinggi sama pandak gau menua bukai ti udah mansang.

  18. Ngumbang anak Ugas | Reply

    anak iban nanga dara tr hendry sang
    maioh kitai ngasoh nyukong YB Ali(PKR) tang kitai anang lupa nama utai enti udah digaga iya ba menoa kitai ulu krian pasal jalai ukai ari (PKR) ba rumah YB empu pan nadai jalai di udah ditar kelebih agi menoa bukai.uji YB bejalai ngagai menoa kami di Nanga Dara….baka ka diatu,YB

    1. Cgat 2y, Sg.Ringgas, Kabo, Saratok | Reply

      Sigi maioh orang befikir bala pembangkang nadai projek….kitai pan nda ngarap k projek ari pembangkang…cg ari pehintah…..tang nama kebuah kitai ka nyukung pembangkang deh taja nadai pehojek……cda pembangkang nti disukung kitai cda kuat…leboh pembangkang kuat cda ulih ngerak bala BN ke ngantuk (cg dah buka mata ea meh nya)…BN pan ti jadi pembangkang nadai meh pehojek….. Pehojek nya sebenar ari pehintah…duit cukai rayat…ukai duit BN………jadi kitai mesti milih YB ke cergas nda kira ari parti ni….tang YB Ali cg siko YB ke brani ukai laban ea ngelaban perintah tapi ea brani ngari ke rayat kelebih agi d menoa kitai di saratok tu….Bc nda kitai tepikir k bakani jalai pelita tau bempu tanah kitai ………… pengeringat nggau pemedis ati tau dibantai k kitai maia PR13 tu ……………

      1. Bujang Rungu ensing

        manah penemu nuan

      2. Mayar cukai pintu baru berapa puluh setaun projek ti dipinta ari perintah BN bejuta ringgit .Taun bukai anang minta maioh ari perintah Bn enti lebih ari cukai ti diberi tau pulai ka baru laban nya ukai duit kitai.

      3. Nya meh kebuah rakyat ngasoh nyadi pembangkang aja tang rakyat enda ngasoh nyadi parti ti merintah

      4. NYADI PEMBANGKANG AJA MEH NADAI SALAH TANG RAYAT ANANG SEKALI NGASOH NYADI PARTI TI MERINTAH.

      5. YB angat tai manok aja meh nya berani dalam madang sawit tang takut ngaga report tauka nyaman orang ti ngerampas tanah.

  19. Kitai semua ari menua Saratok endang ENDA TAU NGELEKA ka YB Ali Biju.Sapa pen kendidet BN,Tan Sri Mawan tauka Tuan Jelaing, KITAI mesti enggai dikumbai orang kampar ba tanah NCR kitai Dayak.Ngundi SPDP sebaka enggau ngundi Taib Mahmud. Kitai Dayak sama sama BESAUP muai perintah BN.Kitai ari Saratok ngulu ka Dayak ari menua bukai. KITAI ENDA MATI ENTI NADAI AGI BARISAN NASIONAL.Enti agi bisi Barisan,menua kitai abis ,TANAH kitai pen ABIS.!!!

    1. Orang Saratok | Reply

      Sigi gaya orang ka nadai tanah NCR meh nya, bejako kerah-kerah madahka perintah ngambi tanah NCR sida, nadai pan kala sida ngaga repot Polis pasal pengawa orangka ngencuri tanah NCR. Udah lama kitai dipegai perintah, mayuh agi kitai ka mati ukai ketegal dipegai perintah BN tang mati sakit, bebadi ba jalai alun. Berunding meh kitai ka pengawa diri ka ngutuk perintah madahka sida ngambi tanah NCR, tentu nadai orang ka meli tanah NCR kitai enti kitai empu enda nyual ngagai orangnya, pikir-pikir meh enggau manah.

  20. Bujang senang | Reply

    Kitai iban cukup beli ulih tipu parti ari semenanjung ngena Ali biju kena narit kitai iban bumiputera ngambi ka nyukong sida ngelaban kitai baru.
    Leboh aku meda kitai iban gagit endar ninga cerita sida runding aku pulai enda salah salah baka ka meda komunis niki rumah panjai minta tulong kitai iban kena ngelaban kitai baru.Kedua enda salah baka orang tuai suba meda kitai iban ka nulong jepun dulu menya tang orang ka dilaban kitai iban empu.Betuah amai kitai iban ngembuan mensia ka baka nya.
    Nyangka kitai bedau nemupengawa dap ka ngambi tanah ba pulau pinang PKR ngerampas tanah laban enda tebayar ka cukai.Ngaga rumah atas tanah kitai enggau rega sampai lima ratus ribu sapa kitai Iban ti tebeli ka enti iya merintah sarawak papan tanda menua kitai aja ka nyadi ka pengingat ucu ambu ka dudi ari ila.Enti tanah kitai iban dibayar baka ba semenanjung ni pengelama kitai iban tan mayar cukai ka dikumbai kitai tanah diri empu.
    PANDAK JAKO KA NGULIH KA RUSA TANG TETIMBAK KA JELU AJI.

    1. aku setuju ke penemu nuan tu, kitai iban endang paloi idup-idup dibai PKR. Ni pemasang udah beri PKR ke menang bepilih? Jako kecah-kecah ngasut kitai iban bangsa bukai nadai sida berani, laban bangsa kitai nyamai dibula. Perintah nadai kala ngambi tanah pecuma mesti bisi bayar. Enti bisi rumah angus bisi ninga sida nulong rakyat, BN ga mantu. PKR nadai meri pemasang nadai sida bemunyi enti BN enda tau salah mimit, beri org duit BRIM, sida tu ke dulu. Uji minta ngagai PKR? Agi melayu enggai ngundi PKR parti sida empu, nya kitai iban enda belinya ko org. Tanah endang dijual diri empu padah ambi perintah. Uji baca berita tauka meda TV tiap ari ngambi nemu perkembangan dunia.

  21. Bujang senang | Reply

    Enti projek ka diberi BN duit rayat kati enti sema ali biju meri projek duit sapa kena iya meri deh enti iya ka iya meri rega lada rega getah i enggau asil utai ditupi iya kena meri rayat krian anang ka kena tipu . Maioh kitai iban ulih tipu orang asal ngena nama dayak enda ngira mungsoh tauka sapa. Enti kitai orang bumiputera bepikirmeh enggau dalah sapa ti amai amai ngetan ka tanah kitai tauka sapa orangka enggai meda bumiputera BN ukai enggai nyebut enti disebut enggai ka jako kelalu lebih tauka salah ba undang undang.BA pasar besai DAP menang semua BA tempat Bumiputera BN maioh menang nya kitai udah nemu enda iboh ulih orang madah.

  22. IDONG ENTARA MATA DILAH ENTARA NYAWA | Reply

    Maioh kitai iban ngansak perintah nyukat tanah kitai ngambi ka enda ulih ambi orang sampai perintah belanja bejuta ringgit nya aku setuju.
    Endang sigi amat BN sarawak enda ulih ngambi kitai Iban bukai enda ulih ngambi laban BN sarawak nadai minta cukai semina parti ari semenanjung baka DAP PKR aja ulih ngerampas kebuah aku munyi nya laban laban enti iya merintah sarawak ia ka nunda baka ba semenanjung.
    Uji kitai nanya orang semenanjung 1 hekter tanah RM 12. 50 cukai dibayar tiap taun enti enda ulih bayar tanah dirampas nadai siko orang ulih lepas ari mayar cukai tanah NAH uji kira pemesai tanah NCR kita kali enggau rm 12 50 nya meh penyampau cukai dibayar kita tiap taun baka orang ti meli tanah diri empu . Diatu kitai Iban benasib manah laban BN sarawak nadai minta cukai ari kelia .
    Rentap kelia bekubu ba bukit sadok laban enda tan mayar cukai rentap ti diatu nya semina ngiga makai laban nyadi ka umpan orang ari menoa bukai.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: