Juluk ati 2011


Tabi semua,

Belabuh ari taun tu palan Iban Universal semina mantaika pekara ka bekaul enggau bansa Iban.  Artikel bukai ka ngelama tu diungkupka ngagai bala anembiak sekula, kelebih agi ba pelajar Bahasa Melayu deka diketuka lalu tau digiga ba palan web aku ka bukai.  Ngarapka ba taun 2011 tu aku ulih mantaika mayuh agi artikel ka bekaul enggau pekara rama, jaku Iban, budaya, sosio-ekonomi, sejarah enggau politik Iban.

Gambar diambi bala temuai ari menua tasik maya sida bemalam ba rumah kami.  Gambar tu diambi ari internet mandangka bala anembiak begambar ba pendai kami. Pendai tu jauh amat udah berubah.  Maya kami agi mit suba sempit ba endur tu.  Nya alai enti ai besai arus iya deras.  Tang diatu nyau udah nyadi lansar. Maya kami mesai sida tu, anang ka kala begambar kamera deh enda ngelala…enti digambar kada nya bisi meruan betanchut bebaju baka sida ka rebak dudi tu. Bakanyameh pengidup kitai….baka sempama lubuk tau nyadi lansar, lansar tau nyadi lubuk.

Aku minta ampun, nyangka tak luba-luba dipeda kita, lalu enggau peluang tu aku meri besai terima kasih ngagai bala kita ka kala datai ditu lalu nibarka jaku ka seleka dua.  Penatai kita besai amat reti ba aku.  Ngarapka kitai ulih bekunsi penemu lalu bejuraika penemu ka bekaul enggau bansa kitai enggau manah.

Nya aja, terima kasih.

3 responses

  1. Manah penemu nuan nya. Ngarapka nuan terus beblog ngena jaku Iban.

  2. Aku nyukong 100% blog tu laban ia besangkut paut aja enggau jako bangsa kitai iban,Arapka ari blog tu kitai iban iya ka educated ulih besarakup enggau pangan diri ngemaju ka bangsa kitai.Maju iban…maju iban

  3. igat,petaling police stations KL | Reply

    Cukup manah jako peransang ngagai bangsa kitai. terima kasih ngagai semua nya.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: